社工有冇人移民咗？

或者我咁講，係完全唔操既情況下拎7.5分係真係難
換個角度，如果操左先有7.5分，咁依個標準又有咩意思呢？
語文考試從來都唔係真係反映到現實
死操爛操有7.5分，唔代表英文能力係高過唔操7分

語文不嬲都係溝通到就得
你可以睇下D大師做case，例如李維榕英文都係好一般
人地一樣係世界知名，做family做到頂哂級
我唔係話自己好似佢咁勁，但正正就係反映到英文只要溝通到，再上高一個層次就真係唔係語文既問題

我好同意英文唔可以差，
但係唔係一個考試反映到你能力，又或者英文係唔係真係要接近native
我就好有保留
當然，無可否認對拎牌黎講，考試係一個standardised方法去睇你英文能力
依個係殘酷既事實

又諗起以前d教授
有d外國回流，英文都係好一般
人地咪一樣PhD畢業，一樣係外國實習過執業過

又或者諗下你同小學生傾計
除左D話題唔可以太深外（唔係講緊用字深，而係知識層面上小學生未有依個能力）
你既用字、文法、句子結構同你同大人講野根本係冇分別，頂多係語氣要有活力d可愛d
已經足以證明日常溝通根本係唔需要高深既語文能力
有外國小朋友既字庫同文法已經好足夠

諷刺咁講，事實上輔導亦唔應該講一d好深既字同concept
我亦唔覺得client會用好深既字

確保10年後香港政府仲keep 到個社福開支水平都仲可以嘅
嚟緊都用美國形式發債應該okay

想問爸打
喺香港做社工
同加拿大private practice前
各有大概幾年社工經驗？

多，我啲同學走左3分1
只有少部份做到相關工作但非社工位

同意考嘅英文唔100%反映實際用嘅英文
不過以speaking計
問嘅都係生活化嘅野
做對人嘅工作如果呢D都唔熟，咁好難做得好

同埋你話加拿大移民英文唔好
呢樣野同社工工作用英文無咩關係，我唔知點回應

重點係尾段，認同肯講肯學嘅態度係最重要，呢方面我覺得澳紐比較重視，allied health 英文四條七係普遍要求，即使係移民國家，英文先係最大共通語言，所以international English 係最基本溝通能力，先唔講原住民，印度同中國人都要識（我識唔少好多中國人英文係好流利），作為社工先可以服務到唔同service users
呢個亦都應該係作為外來者其中一個需要學習嘅能力

呢個只係一個自欺欺人嘅想法
考試唔反映現實，但佢反映一個人部份嘅能力
所有野，包括社工素養同專業能力都需要訓練去提升
如果你覺得呢個標準無意思，咁你作為社工能力都無咩意思

其他大師出名，多數係因為佢地嘅理論，但佢地都要大量使用自己語言去寫書同演論
不過佢地英文唔好，同社工實際工作用幾多英文無咩關係

如果你接受到你作為社工只係要求自己「溝通到就得」
至少反映左你工作上嘅態度，以及對自己嘅要求
印證左我上文「自我感覺良好」嘅講法

咁我只能夠話，大家對自己要求唔一樣

係香港差不多5年，加拿大就做左幾個月ngo之後去private practice
留意返大多數private practice(多數係group practice)唔當employee/employer關係所以stream b儲唔到鐘，依樣要問清楚佢地點請你
不過儲夠鐘先做就冇咩問題

多謝爸打回覆

應該都算係freelance / self-employed ?
但係咁快儲到客咩？

其實我唔係好明點解你成日覺得我係「自我感覺良好」
又因為我覺得語文能力唔洗咁高就覺得我作為社工能力都冇咩意思

我話自己retention rate都高，同其他做左十幾年local既同事冇咩分別
既然你覺得標準係有意思，咁我依個標準都證明我既英文至少係ok掛?依個標準點都好過所謂英文幾多分掛?
我亦覺得日常溝通大部份時間都冇咩問題
起碼聽得明，講得到，人地亦都明白
但你就覺得我要求低...

大師個例子，我係想講佢地英文唔好一樣會去世界各地做case，做demo
佢地理論好還好，冇人睇佢地點做case係唔會出到名
咁既然人地英文都唔一定好好，都大把唔同國籍既人搵佢地做case，而又成功
係咪又證明左英文唔一定真係要好native？

退一步講，我從來都冇講自己英文考試幾多分，只係覺得overall 7.5分唔係咁容易，亦唔係我就咁考就一定會考到
我只係強調英文要有一定程度，再上就唔再係語文問題
你就假設左我英文一定係好差明明我都講英文至少都要溝通到

本身你係有興趣定係點？如果你都係加拿大做社工，可能有d野我可以分享下

係，大多數係當self-employed
或者我咁講，private practice有兩種
一種係solo practice（求奇整個網頁，或者將自己個名放上網等人搵你）
一種係group practice，即係好似人地d醫生咁join個集體

前者一開始搵客係會有難度
後者如果你加入一間正常既centre，係唔會冇case
我個時大約一個月已經full caseload，一星期平均做到20節

正常黎計只要係接受insurance，個owner識少少marketing會賣下廣告咁
一間centre d case係多到你唔信

感謝爸打回答
長遠都真係考慮下

作為社工，自覺係好重要
唔係話你要覺得自己咩都叻，咩都自我感覺良好
但係知道自己咩水平，有咩係ok，有咩要改善好基本掛？

我本身都對自己英文能力有質疑
我都怕會害左d clients，我都怕幫倒忙
但經歷完依一年既工作
d咩retention rate，client's feedback，supervision各方面都好正常，評價都好正面，要改善既地方都唔係語文問題，亦從來冇人投訴我英文差
既然係咁，我覺得自己英文水平係足以應付到casework，都算係自我感覺良好？
咁多野證明到唔得，偏偏覺得英文考試就係一切，英文考試先證明到?

我都有強調英文考試分數的確係一個standardised既指標
亦唔係話依樣野好兒戲，只係考試同工作、日常英文始終係有分別
我係想移民既巴絲打唔好比依樣野限死左自己，唔好覺得英文考得差就做唔到case
亦唔好覺得英文好高分就一定冇問題
唔想拎client既福祉去試自己英文能力，咪做下其他ngo體驗下，或者甚至做下義工體驗下
去感受自己英文明人地幾多，表達到幾多，人地明你幾多
自然心裡面有答案

都唔明針對我英文能力做咩事

係唔差，就算group practice比owner / centre食左你d錢
通常都起碼$100 / 50分鐘
視乎你間centre d recording洗唔洗寫得好詳細
連埋paperwork，一個50分鐘既session大約要30分鐘去準備 + 寫recording
計下計下都真係吸引

係正常要用英文嘅公司做十年野，攞八真係唔難

fg 80k IELTS 都9分起

其實連native speakers唔準備去考都未必會個個拎到8 or above
尤其係writing
就好似DSE咁，唔通你中文拎2就代表你日常中文差到收銀都做唔到咩
單以考試去證明你英文能力足唔足以勝任一個職位只係一個無可奈何既方法

合理，語言本質是簡單易明最好。

我都同意有時slang係會聽唔明
但講真只係極間唔中聽到
唔知個位巴打/絲打移民左去邊個國家啦
我覺得加拿大人講英文都算淺白易明

老老實實拎多d時間去了解人地文化、政治、體制、法律好過啦
以個位巴打/絲打既標準，其實社工唔應該移民去做社工
反正就算你英文得，你係個個國家既人生歷練都唔夠一個小學生多
何德何能做心理治療

IELTS speaking生活化？
睇嚟你對呢個試嘅認識唔係好大
冇錯，佢問嘅嘢係啲日常生活嘅內容
但係評分指標遠遠俾你想像中嘅生活化有好大距離
生活化應用英語，可以幫你去到7分或者7.5
但係去到8分或以上已經唔係講緊意思傳達
而係講緊要表達到「起承轉合」「抑揚頓挫」
要用非一般嘅方式表達意思
用翻譯嘅角度嚟睇
7分或者7.5傾向要求「信」同埋「達」
8分以上就要求「雅」
當然做到八分以上固然係好
但我唔覺得專業層面，應該以8分為目標
某啲原因驅使，我考嘅時候要以8分以上做目標
但你而家叫我用8分英語水平去做輔導
反而冇我用簡單英文更加來得有效率

我而家教緊社工學生
新移民社工嘅通病就係成日用啲懶係靚嘅英文
但係引喻失意，你用得唔啱，
或者用得啱，但係人哋唔明
有咩意思？
再者，社工普遍嘅案主都係社會嘅弱勢社群
喺加拿大呢個多元性相對敏感嘅社會
你用嘅字同語言要小心帶嚟micro-aggression嘅感覺
係㗎，好撚左膠㗎
社工呢行就係咁㗎啦

肯學係重要嘅
但係要明白你學嚟做乜
學嘅嘢對你嘅practice有乜作用
你自己覺得重要嘅能力
唔等於人哋覺得重要
佢嘅工作表現同仕途自然會為佢嘅能力做評價

但係單純覺得人哋冇自己有嘅能力
就係人哋嘅問題
咁我揸住9分
我覺得攞9分係基本
係咪可以話你係垃圾唔應該做社工？

同意
社工唔係只係關心micro野
我地應該係要好關心macro野，亦係我地同輔導員/心理學家最大既分別
我感覺最大既難題根本唔係英文，而係對外國社會既認識
哪怕比你去加拿大用廣東話做輔導好未？
對社會唔認識，有時根本唔會明點解個client會咁諗/咁覺得，用廣東話都冇用

語言極其量只係工具，足夠就得
只係因為我話自己冇信心考得高分就話我要求低，係語言問題令到我冇得更好，一係話我自我感覺良好
但我卡住既位明明係對加拿大社會認識既不足
都係supervision會提我既位，client會提我既位
從來都唔係咩英文問題就假設哂咩都係英文問題...

用佢既邏輯，其實社工唔應該移民做社工
因為佢覺得標準係一切，達唔到標就係要求低、有問題
macro野係冇得考試，冇考試即係冇標準
冇標準即係唔知達唔達到標
唔知達唔達到標都去做社工即係有問題、要求低

有冇人去左日本做社工

日韓既社福體制同香港/西方國家都好唔同
應該唔係咁容易做到，亦冇咩理由要去日本做，人工低到喊