Hades 2 有冇人玩緊？

1. 阿爺：一階延時攻擊同瞬間波砍各走極端好難閃，血唔厚但配合場地真係好易連續中招死。二階招式前奏明顯咗，但召喚沙漏爆炸+必死攻擊呢招配搭真係好屈，然後延時攻擊個時間同一階又有少少唔同，真心畀上集阿爸難打好多。
2. 海妖樂團：卡關卡最耐，喺前期祝福等級低時打唔入，三隻海妖招式各有特色同組合技。最屈就係鼓佬大範圍攻擊時，結他手暈緊你搞到硬食大傷害，仲有係集火鼓佬時貝殼用音波攻夾你，但學識先打死鼓佬之後就好打好多，卡關卡最耐，打足廿次先過到
3. 槍女神：攻擊高同範圍大，去到後邊越攻越強可以秒低你，但比較好係攻擊前奏動畫同範圍明顯，最勁嘅子彈掃射可以用火神祝福吸收。
4. 老師：新手教學關大佬，基本上熟套路，慢慢避招輸出唔貪刀就過到。變羊可以靠青蛙大哥食佢粒波解決，最困難係前期無選到適合祝福同佢硬碰。
5.喔噢：上集出現過嘅老鼠隱藏boss，但相對而言弱化咗好多，無咗毒煙同召喚大老鼠係差啲，上集明明係比阿爸更難搞嘅存在嚟。
6. 海魔：攻擊比海妖樂團啲卒更單純，感覺上係精英怪咁上下，比陰影怪同根鬚怪弱。
7. 三頭狗：除咗血厚外，招式前奏同範圍大明顯。識閃去背後輸出基本上都會慢慢磨贏，目前只係初見輸過一次唔小心走太遠返唔切去背脊畀大招噴火連噴燒死。
8. 羊巨：招式單一，攻速慢，場地空間大，節奏容易捉。召喚嘅怪攻擊慾望同速度唔高，血薄，初見就可以過到，用咩武器都未輸過。