經常在小紅書分享生活短片的肥媽，日前上載影片，分享自己對老人院的看法，提到當年自己為了孝順，寧願請幾名工人照顧年老母親，也不願送媽媽到老人院，但後來覺得自己的決定是錯的：「我阿媽搵咗幾間老人院，我都唔畀我媽去，我愚孝！後來我同我老公去咗四日泰國旅遊，（當時）我媽有糖尿病，佢搲損咗個傷口，啲菌上咗腦。」
肥媽續指，即使有幾個工人及司機，也不代表媽媽得到最好的照顧：「如果當時我畀阿媽去老人院，阿媽仲長命。（四日就急轉直下？）係，由血上咗腦，因為我請咗幾個工人，以為好爸閉，又有一個司機，但佢哋冇醫學常識，累死我阿媽，我係愚孝。我阿媽幾醒呀，一早就搵定老人院，佢就係覺得自己行動不方便、開始失禁，所以有醫生會好啲，但我哋諗住有工人。」
所以即使肥媽已有多個子孫，她也表示自己已仿效母親，早已預訂老人院床位：「老人院我都買埋喇。」
