【獨媒報導】的士業界早前就加幅達成共識，其中市區的士落旗由27元加至32元，不過昨有消息指，政府只能增加至29元。至於網約車，當局料於今年中諮詢立法會議員及業界。的士小巴商總會理事長周國強倡參考最低工資新的每年按方程式調整機制，自動調整的士車費，稱「申請加價係我哋的士業嚟講，真係好攰同埋好辛苦。」
周國強（左三）
周國強日前回覆傳媒稱，如乘坐的士多付2至3元被視為影響市民生活質素，「建議你唔好搭的士」，又以「無牌私房菜」為例形容Uber，故「態度都客氣啲」，促「踢走」Uber。
他今早再在港台《千禧年代》表示，只加2元「有啲落差」，惟無奈接受。他指業界認為短途收費過低，非繁忙時間的士排隊時間長，「廿幾蚊連一個早餐，或者一個午餐去到六十幾蚊嘅收費水平嚟講呢，咁如果你話做廿幾蚊嘅最低消費嚟講呢，我哋自己業界嚟講呢，其實覺得喺營運上好困難。」他續指，加2元車租有機會「調整番啲」，但幅度不會太高，而的士每日保險支出近年增加約60元，惟無法完全轉嫁至車租，指車主面對不斷增加的支出「都係一個辛苦」。
的士對上兩次加價分別為2017年及2022年，周國強指如增加2元，由2013年的落旗收22元，10年間「只」加至29元，每年平均為7毫。他盼當局設立一個新的審批的士加價機制，指每次加價媒體及市民對的士有不同意見，「我哋覺得好辛苦」。周國強倡參考最低工資一年調整一次的新機制，與的士新收費掛勾，業界會接受，重申「申請加價係我哋的士業嚟講，真係好攰同埋好辛苦。」
他續指，明白不少市民對的士有要求，但稱要「還返一個公平嘅平台俾我哋」，指「網約白牌車」「侵蝕」的士十多個百分比的生意，「的士司機持續喺一個唔合理嘅人工水平裡面，根本無可能改善到呢個行業裡面嘅正常發展」。
...
https://www.inmediahk.net/node/政經/周國強稱業界申請加價「真係好攰同埋好辛苦」-倡與最低工資加幅掛勾
