https://hkcourtnews.com/%e6%9e%97%e5%8d%93%e5%bb%b7%e7%ad%89%e6%b6%89721%e6%9a%b4%e5%8b%95%ef%bd%9c%e4%bb%bb%e8%81%b7%e7%a4%be%e5%b7%a5%e7%ac%ac%e5%9b%9b%e8%a2%ab%e5%91%8a%e4%bd%9c%e4%be%9b%e3%80%80%e5%8f%83%e5%8a%a0/?
//覺得白衣人是黑社會 「好似隨時想衝入嚟打人」
葉指,他當時覺得該群白衣人是黑社會人士,心想「點解呢班白衣人可以肆無忌憚,公然喺公眾地方拎住藤條、木棍呢啲武器,喺度叫囂、謾罵⋯⋯好似黑社會電影咁嘅情節,俗啲講句『擸晒架生曬晒馬』」。他續指,當時又驚慌又憤怒, 「點解一班白衣人可以明目張膽⋯⋯一般市民唔會揸藤條出街,點解班白衣人可以目無法紀,喺度喊打喊殺,仲包圍住啲閘機,好似隨時想衝入嚟打人」。他當時很擔心會發生流血衝突,覺得白衣人行為很過份,「我覺得有需要阻止佢哋」,阻止白衣人衝進閘內打人。
葉稱,他當時一方面想返回家中,另一方面亦想阻止白衣人,心情忐忑,「唔知睇唔過眼定見義勇為」,最後因擔心會有更激烈衝突或有人流血受傷,所以想在警察到場前幫手阻止白衣人。他其後調頭欲返回閘內付費區,因擔心在閘外會被白衣人打,惟拍卡入閘時閘機門沒有打開,情急之下便跳過閘機。
法官陳廣池一度打斷指,留意到葉當時手持水樽曾飲水,問葉「點解你要飲水?」葉稱是為平復心情。葉指,他進入閘內後,曾指住閘外白衣人稱「你哋做乜?」以及「警察嚟緊,仲唔走?」他其後因見到有白衣人在玻璃欄杆上半身跨前打人,擔心對方會跨過欄杆打人,遂跑往玻璃欄杆方向,並情急下將手上的膠樽擲向該方向,希望阻嚇對方,令對方停止攻擊。葉又稱,當時相信警察會到場,因此打算留在現場做證人,將目擊到白衣人有打人的事告知警方。
官質疑為何留下做證人 「太平盛世可以第2日報警」
法官陳廣池問到,「點解要留低做證人?唔係好明」,又問「你唔需要留低㗎,太平盛世,可以喺第2日報警,話番畀警察聽咪得囉,你唔需要身陷險境,你冇需要留低㗎」。葉稱當時沒有這樣考慮,當時選擇了留下來。
就着控方指控他曾向白衣人作出招手的動作以及擲水樽,葉承認曾一度執起地上的水樽以備不時之需,其後他見到有白衣人準備彎身拾地上的木棍,他遂做出手掌向天、手指向內屈曲的招手動作,示意白衣人起身,惟當見白衣人想擲木棍,情急之下他便向白衣人方向擲水樽,一度成功令對方後退,惟對方約8至10秒後仍擲了木棍入付費區。
葉指,他有着閘內人士不要接近玻璃欄杆,以勉刺激白衣人,其後他見閘機外一片混亂,一名疑似孕婦被襲,因擔心孕婦及救護員被襲擊,遂作招手手勢, 示意救護員進入閘內,並喊道:「起身啦,你哋入返嚟先,唔好逗留喺出面」,惟可能因現場環境太嘈吵,對方聽不見。葉指,隨後一名身型較魁梧的白衣人(後知是「懵良」林觀良)走近閘機打人,他感憤怒,指罵對方「你做咩打救護」等,其後又曾指着一個垃圾桶的金屬鐵環,着他人小心鐵環會飛過來。葉又解釋他的其他手部動作,包括指着白衣人稱「你係咪痴線㗎,唔好再揼嘢入嚟喇」以及「你哋打夠未呀,仲唔走?」//