黃易
覆兩翻雲都勁耐歷史
梁望峰
支 持 「 師 製 」 口 罩 運 動
特 區 發 生 大 瘟 疫 , 口 罩 供 應 嚴 重 短 缺 , 鴉 仔 擒 日 呼 籲 , 實 現 建 設 口 罩 港 , 由 特 區 政 府 購 買 棉 布 , 動 員 師 奶 縫 製 , 凡 失 業 而 陷 於 結 構 性 問 題 無 法 轉 職 之 中 年 女 性 , 在 屋 企 開 動 衣 車 , 返 回 獅 子 山 下 之 時 代 , 只 要 每 個 師 奶 縫 十 個 口 罩 就 可 以 消 除 特 區 之 病 毒 危 機 。
擒 日 本 欄 刊 出 怪 論 之 後 , 鴉 仔 即 時 收 到 花 名 牛 精 雄 之 讀 者 來 信 , 對 於 發 動 全 港 婦 女 縫 製 口 罩 大 力 支 持 , 現 摘 要 如 下 :
「 我 舉 腳 贊 成 鴉 仔 你 建 議 , 全 港 師 奶 縫 製 口 罩 , 開 動 衣 車 , 解 決 口 罩 短 缺 危 機 。 皆 因 為 我 屋 企 個 老 虎 日 哦 夜 哦 , 有 理 冇 理 都 開 口 大 鬧 , 又 話 我 包 二 奶 , 又 話 我 沖 涼 骨 。 若 然 政 府 可 以 下 令 全 港 師 奶 婦 女 縫 製 口 罩 , 咁 佢 就 有 份 屋 企 做 , 開 動 衣 車 , 淨 係 郁 對 腳 , 唔 會 郁 把 口 , 兩 眼 望 住 針 線 , 全 神 貫 注 就 唔 會 日 哦 夜 哦 。
另 外 若 然 全 港 師 奶 發 動 縫 製 口 罩 運 動 , 做 好 之 後 畀 番 師 奶 自 己 戴 一 副 , 全 港 家 庭 就 會 清 靜 好 多 。 皆 因 為 自 己 戴 一 副 口 罩 , 鬧 人 都 鬧 少 , 做 老 公 仲 可 叫 老 婆 自 己 戴 一 副 先 , 睇 罩 得 密 唔 密 實 , 有 冇 抖 氣 位 , 仲 讚 副 口 罩 縫 製 得 好 靚 , 令 到 佢 日 戴 夜 戴 , 咁 屋 企 就 會 少 個 老 虎 , 聽 少 好 多 聲 氣 。
我 牛 精 雄 第 一 個 舉 腳 贊 成 發 動 全 港 師 奶 縫 製 口 罩 , 多 幾 個 老 婆 戴 口 罩 就 多 幾 個 麻 甩 佬 放 膽 北 上 包 二 奶 , 多 戴 多 清 靜 , 多 戴 亦 促 進 珠 江 三 角 洲 經 濟 繁 榮 。
我 牛 精 雄 要 求 鴉 仔 你 一 定 要 登 出 我 此 封 信 , 令 到 問 責 高 官 學 , 知 道 我 市 民 究 竟 心 面 諗 乜 , 即 時 下 令 縫 製 口 罩 , 此 乃 係 刻 不 容 緩 , 符 合 全 港 男 人 之 利 益 , 亦 回 應 我 牛 精 雄 之 心 聲 也 。 」
有 此 一 民 意 支 持 , 特 區 政 府 應 即 時 採 取 行 動 , 一 於 下 令 全 港 婦 女 師 奶 大 縫 口 罩 , 迎 接 一 個 口 罩 新 時 代 之 來 臨 。
專 欄 作 家 : 鴉 仔