之前見佢Ig落左好多廣告就試下報佢20堂social issue,真心覺得真係麻麻。
首先,佢改文慢,平均覆2-3個星期先改到,之前臨近Jre仲要話依家改緊一個月前既文,到Jre完左2星期問佢,一句就未改好hea應機就算數,之後再過多排再問就即日改好,而同一時間佢就係Ig叫人報佢Zoom live既Jre精讀班。
攞改文係Ig做廣告/攞流量,普遍做呢d page既人拎改學生文既相黎做廣告正常不過,但佢只會將自己show off最多果一part cap岀黎。試過有遍文佢comment好多係introduction,而我重點想佢改既suggestion就只改grammar,end up ig就見到佢拎改我遍文既introduction cap圖宣傳自己點幫到學生。
態度就更加唔洗講,簡直就係以前名校老師揀學生嘅感覺,學生本身考得高分就當係自己功勞,考得唔好嗰啲就唔會點理或者求其Hea應。俾錢前後兩個態度。
最搞笑係佢每一個課題都會所謂go through過一次,即係攞篇相關報道讀一次,然後當有任何考試考過相關題目嘅時候就會衝出嚟話自己又貼到題,跟佢無得輸。
見佢Ig而家移民咗去英國,遲吓揾夠可能直接消失都仲得。
我相信每一個報佢嘅學生都係想改善自己嘅寫作能力,但係比佢咁樣利用同賺錢就真係唔值得。