僅次「Big 4」的會計師行「香港立信德豪」近日裁員，料20至30人受影響。據了解，公司提出兩種離職方案，若員工「自願」離職，可獲公司發出推薦信（Reference Letter），但沒有代通知金；若要收到代通知金，員工則不獲發推薦信，前員工John（化名）慨嘆，現況是鳥盡弓藏。香港會計手足工會分析，香港IPO前景未見改善，業界只能「食老本」，憂慮僱主透過裁員增加利潤，令現職員工的工作量更沉重。
立信德豪是會計界Tier 2（第二梯隊）的龍頭，近日傳出裁員消息。前員工John向《光傳媒》表示，收到一位現職員工透露，立信德豪早前要求部分員工放3星期無薪假，「叫得佢放都知咩事啦！」
據了解，公司提供兩個勸退（Counsel Out）的選擇，「你自己辭職，reference letter照俾你，但無錢賠嘅！」若員工堅持被解僱，雖然會收到代通知金，但公司就不會提供推薦信。John引述現職員工指，料有20至30人被裁，部分人是主管級別。
John估計經濟差是裁員的主因，「Big 4、Tier 2都好靠上市公司去搵食，呢個大環境少咗好多IPO，加上咁多人請咗返嚟喺度，要cut cost緊係要請走啲人，係咪先？」去年底，屬於Big 4的德勤亦要求部分員工放15日無薪假，如不遵從就被「勸退」。
面對會計界接二連三裁員行動，John慨嘆現況是鳥盡弓藏。立信德豪作為Tier 2要求存，或要調低審計費用，在Big 4手上搶生意，當收入下降，員工就成為削減成本的目標。
他分析，現時Big 4仍然會招聘人手，但預期入職的工作量更大，面對更多吃力不討好的工作。相比之下，中小型會計師樓受影響相對較少，因為主要承接非上市的商業公司審計工作，而中、小企一般很少轉換會計公司。
《光傳媒》向立信德豪查詢裁員的消息是否屬實、裁員的規模和原因，目前仍等待回覆。
｜香港會計手足工會：業界靠「食老本」
香港會計手足工會主席劉先生向《光傳媒》表示，現時香港IPO以中國公司為主，外國、本地公司的IPO很少，「呢一年唔會特別多咗IPO，大家都係靠『食老本』，做返本身啲客，通常fee唔會減嘅，最多就唔加啫！」
他指，在「食老本」情況下，不排除Big 4、Tier 2會再有裁員行動，憂慮僱主透過裁員增加利潤，令現職員工的工作量增加，「可能一隻job要五個人做嘅就好穩定交到貨......如果佢覺得呢個job三個人做都得嘅，佢就cut走兩個人」。
翻查資料，今年香港首季IPO集資額只有47億元，全球排名滑落至第10位。安永會計師事務所在香港的法律分支機構林朱律師事務所（LC Lawyers）今年初亦決定關閉。
覺得又係環保撚收左美國佬錢搞事
