其實而家仲有冇男仔會做負離子直髮？

以前成日上網睇到好多鳩毛頭求救，又問男仔邊度邊度整負離子，點樣可以令到啲頭髮變直點解而家好似冇晒呢一類嘅問題到底係以前嗰啲鳩毛頭已經搵到新科技整返直個頭，定係以前嗰啲鳩毛頭而家已經脫咗髮，所以冇咗鳩毛頭嘅煩惱？

依家潮流興曲髮

電出嚟嘅攣同本身天生嘅鳩毛頭好大分別

男人老狗攪咁多做乜鳩
點整都係柒
剷短晒夠算啦

有
其實電曲髮直髮，染髮都只係一個工具
當剩係靠修剪表達唔到髮型既整體時就有需要用
不過而家負離子拉直，有好多唔同藥水同做法
唔再剩係得熨斗熨出黎咁死直既效果
特別係日本藥水

利伸 22年經驗髮型師

咁其實負離子同埋縮毛矯正有咩分別？
同埋其實拉直係咪好傷頭髮？
另外我一直好好奇就係好多人對染髮有好多唔同嘅講法 其實染頭髮係咪真係好傷同埋會甩頭髮？定係其實冇想像中咁傷？

1:性質一樣 名唔同 改個名收貴啲，唔同牌子效果唔同
s牌子做完死直 p牌子做完叫自然順眼啲

2:唔明你指既拉直係就咁夾直定做負離子，前者係你日日拉頭髮點都傷，高溫夾落去夾耐左咩都死, 後者就係本身條頭髮有彈性，會回彈，負離子係破壞佢結構令到佢唔再回彈先做到咁直唔捲

3:70 80年代係好傷，依家24年啦 純粹正常幾個月染一次既話唔傷得去邊，分分鍾你日日拉直仲傷過染

而家興9毛頭同西蘭花頭

P牌子即係咩牌子

1.係香港同日本叫法既差異係日文「縮毛」係孿毛咁解，矯正就中文字眼意思。香港就鐘意叫負離子，其實都係一樣
2.呢題要答得好行視乎唔同性質/品牌藥水，對頭髮既損傷可以差距好大。
打個比喻係你用勞工牌洗潔精洗頭同用最靚既洗頭水洗頭，對髮質影響都可以好大，如果你問洗頭傷唔傷頭髮，咁應該點答呢？
3.其實答案都係同上
通常網上見到染到甩頭髮大致都係「漂染」而唔係「染髮」，部分係用左唔知咩牌子產品（自己腦補喇）
另外就係操作問題，例如「撻頭皮」批灰咁搽落頭皮，唔合理既染劑同雙氧奶度數比例，過分地使用加熱工具，無做好事前處理（頭皮隔離既防敏產品，supporting treatment）是但中一至兩樣，都可以令髮質承受不必要傷害
另外當然你目標想染成既髮色亦係一個問題
一個至少要漂兩次先染到既淺灰色，同一個朱古力啡，對髮質影響可以差好大
同樣地做岩所有野，用最好既產品最好既技術去整個淺灰，同用內地$6支既啡色染膏，極高度數雙氧奶撻頭皮咁搽，搽完落45分鐘機再用勞工牌洗潔精幫你洗頭，差距都可以好大

之前試過用直髮膏整直啲頭髮
其實同負離子直髮有咩分別

比較分別地方大致係兩個
1.軟化完成後有無用熱鉗去夾直做形
2.有無中和/還原定形
有好多洗直膏都係得軟化功能，即係以前外國講既hair release，主要係令頭髮無咁蓬鬆，而唔係想佢變得好直，軟化完無part2俾你中和還原，就等頭髮自己隨時間去還原

直髮膏有用直髮夾同part2定型係咪會同負離子膏一樣

之前去髮型舖有用直髮夾跟住仲有用第二隻膏去再整

而家想試下自己屋企搞唔知難唔難

你可以咁理解，如我地唔講做完既狀況同髮質
都係果句，唔怕死就DIY

我或者咁答你，要整係一d都唔難
難係難在整得好
打個比喻煎牛扒一d都唔難，掉落煎pan煎到佢熟就得
但要煎得好食就係學問了

想整直髮
但出面直髮閒閒地都700起跳
唯有自己整

ching到今時今日都仲有整負離子直髮
想知平時你梳開咩髮型

咁巴西焗油或者直療呢

因為一長就好厚好似一舊野咁純粹想頭髮直啲姐，

負離子直髮有咩問題（平時都係齋剪冇電過髮）

巴西焗油要小心使用，因為質素唔好既甲醛含量好高
同埋操作比較複雜
而且順直效果一般係2-3個月，頂盡都係4個月

咁樣?

有