淨土思想到底點嚟？On the origin of Amidism

各位師兄高抬貴手，唔好佛我住先



由巴比倫嘅Marduk，到以色列嘅Yahweh，乃至波斯嘅Ahura Mazda、阿拉伯嘅Allah、印度嘅Brahma⋯⋯人類宗教史，不離對神明嘅信仰，透過巫術、祭祀、禱告，解鎖靈界力量，超越死亡，戰勝黑暗。




有趣嘅係，沙門思潮當中，有一位無我論者 (anattavada)，唔信靈魂，亦唔拜上主，旨在廣結善緣、自淨其意，契會生命奧秘，解除苦困。

有睇《佛陀之心》The Heart of Buddha’s Teachings嘅話，就會知道佛陀到底點樣修行。關於五蘊、六入、因緣、聖諦、三十七道品，之前嘅post已經同大家約略探討過，當然歡迎喺度繼續討論。

但今日嘅命題，更加廣闊，牽涉到佛門，呢個古樸嘅傳承，點樣由恆河開枝散葉，成為今日南傳、藏傳、漢傳，三支系統嘅佛教？漢傳佛教入面，又有：性相臺賢禪律密淨，到底佢哋係點嚟㗎呢？三十七道品，又點樣演變出西方淨土？大乘非佛說係咩回事？小乘羅漢自了了之，又係咪真㗎呢？

水之道拒絕人云亦云，冒住菊花綻放嘅風險，同大家探討佛門思想源流。歡迎鍾意獨立思考嘅你，一齊尋根究底！

唔好成日講菊花，快哋入正題

法無定法，如水無形，契機契理，適應所需。掌握古今，就能夠開創屬於自己嘅修行！

首先，想分享吓「早期佛教」。

佛滅之後，僧團傳承戒律同埋契經，稱為法律 (Dharma-vinaya)。法嚟講，有修多羅 (sutra)、重頌 (geyya)、記說 (vyakarana)，收錄喺《雜阿含經》 (Samyukta Agama)。

偈陀 (gatha)、自說 (udana)，收錄喺《義足 》(Atthakavagga)、《法句》(Dhammapada)、《上座偈》(Theragatha, Therigatha)、《經集》(Sutta Nipata)、《優陀那》(Udana)。另外，本事 (Ittivutaka)，成為《本事經》，加埋本生(Jataka)、未曾有法 (adbhutadharma)、方廣 (vaipulya)，合稱為九分教 (navanga-sasana)。

後來，又有譬喻 (avadana)、因緣 (nidana)、論議 (upadesa)，成為十二分教。同時，僧團又開展中阿含、長阿含、增一阿含，或者納入雜藏，成為部派分立之前，共同傳承嘅「早期佛法」。

簡單嚟講，學術界暫時認為，《雜阿含經》嘅「修多羅」部分，即係：五蘊、六入處、因緣、四諦，仲有念住、正勤、神足、五根力、七覺支、八正道、出入息、不壞淨，仲有《經集》、《義足》、《法句》呢啲偈頌，收錄咗最原始嘅佛法。

https://agama.buddhason.org/SA/S.htm

跟住就精彩：部派佛法。又要用返呢張圖：

https://i.lih.kg/thumbnail?u=https%3A%2F%2Fna.cx%2Fi%2FD75NSgX.png&h=ee6a65f3&s=540



佛滅幾百年後，僧團興盛，又隨着第一、第二次結集嘅分歧，開展出大眾部、上座部。上座部入面，影響力較大嘅包括：說一切有部、犢子部，同埋分別說系(法藏部、化地部、飲光部、銅鍱部)。

點解部派咁精彩？有啲學者會用「部派分裂」去形容呢個時期，我個人比較喜歡「部派分立」。所謂兄弟爬山，各自努力，大家和而平同，百花齊放，有啲深化，有啲俗化，有啲簡化，令佛教得以傳遍印度。今日所有佛教，都離唔開「部派佛法」！

上面啲名唔記得唔緊要，跟住我會慢慢介紹⋯⋯

pish

Lm

留名學野 。


但不忘祖心。

唔係佛樓主，但個開場白都睇過好多次，為左拯救樓主個菊花建議快啲入正題

延壽禪師本《宗鏡錄》都幾正

文字優美，雍正極力提倡，奉為中國第一論典，可識永明禪師書入面提倡既唯識學無人敢承認。

書中亦提到唔少淨土野，樓主有研究？

知係好野，但未好仔細研究，有機會都想睇多啲！我出呢個po嘅正文需時，巴打可以share吓，幫我頂住先

嗯… 或者直接由大乘講起 利申冇修淨土法門，但對佢嘅起源好有興趣，歡迎各位糾正或者補充。

我所知嘅大乘(Mahayana) The Great Vehicle，唔係一個獨立宗派，而係眾多部派共同打造，成為一個超然、理想化、影響深遠嘅思潮。

先嚟個brief outline，當部派佛教傳入漢地之後，就衍生出：性相臺賢、禪律密淨，仲有成實、俱舍、地論、攝論、毗曇、涅槃宗。而大乘嘅特色，印順師認為係重慧、重悲、重信。

智慧而言，有三種思想：

1. 般若空性嘅中觀派 (Madhyamaka)，傳到漢地變成法性宗(三論宗)，亦同天臺、成實宗思想有貫通，稍後再詳細探討…



2. 瑜伽行派(Yogachara)嘅唯識思想(Vijnapti-matrata)，同有部思想關係密切。玄奘法師喺難陀大學 (Nalanda)取經，返到漢地成立法相(唯識)宗。另外毗曇、俱舍宗，亦襲承說一切有部。



3. 佛性本有嘅如來藏思想 (Tathagata-garbha)，禪宗、涅槃宗，都係當中嘅佼佼者。

悲願方面，強調四無量心嘅重要，例如菩薩捨己為人、濟世為懷，修六波羅密。觀音法門，亦係特色之一。

信仰層面而言，大乘開展超然理想化嘅佛陀觀，有十方佛菩薩，同埋佛剎淨土嘅思想。淨土法門，如是應運而生。

然後就到正題了，淨土思想何來？

淨土宗門，可以追溯至西域，尤其係今日嘅巴基斯坦、阿富汗。呢個宗派重視三經：阿彌陀經、無量壽經、觀無量壽經。



呢個佛像下方嘅石刻，用Brahmi script寫上Amitābha，喺北印Mathura揾到，推斷為180CE嘅貴霜王朝。

《阿彌陀經》描述西方佛土，學者認為初本撰寫時間，可能早至公元前一世紀。仔細閱讀，不難窺探經文之原始佛法：「是諸眾鳥，晝夜六時出和雅音，其音演暢五根、五力、七菩提分、八聖道分如是等法。」


《阿彌陀經》譯者鳩摩羅什生於新疆故國龜茲，當時漢地由十六國統治。

《無量壽經》又名「長彌陀經」，可以話係一部「彌陀前傳」，推斷寫於約公元後一至二世紀。經文講述法藏比丘發48願，修六波羅密，入三解脫門，生西方極樂，佛號阿彌陀(Amitabha)。

Hajime Nakamura嘅《Indian Buddhism: A Survey With Bibliographical Notes》，引述唔同日本學者，認為《無量壽經》同犍陀羅嘅「化地部」、「說出世部」有密切關係。



說出世部 (Lokottaravāda)係大眾部之一，開展超然嘅佛身觀。塔利班炸巴米揚 Bamiyan 大佛，大家應該聽過喇啩？當年唐僧取經，就經過呢度，見證住佢嘅輝煌，記載呢度流行說出世部所學。

化地部 (Mahisasaka)，活躍於Kashmir，係上座部分別說系嘅一支，主張四諦一時現觀，以及現在有而過去未來無。

大乘，係上座部同大眾部嘅共同產物，所以個人唔會用「小乘」一詞去卑視任何宗派，同時若然以「上座部」自居，就無可能同大乘割蓆。

最後，《觀無量壽經》講點樣修三福、十六觀，從而「見彼清淨國土，如執明鏡自見面像。見彼國土極妙樂事，心歡喜故，應時即得無生法忍。」而經文亦清楚指出，呢啲係「方便」法門。

有學者留意到，波斯傳來袄教(Zoroastrianism)，光明崇拜嘅思想，亦可能影響無量光佛呢個idea。



總括而言，隨着部派乃至大乘佛教興盛，佛門中人善巧咁將原始佛法三十七道品重新包裝，又基於本生嘅菩薩理想，講述六波羅密，並提出各種嶄新嘅禪觀方式，於印度西北尤其流行，傳入漢地、朝鮮、日本，成為獨特嘅淨土宗門。

至於極樂世界，係位於世外他方，抑或心意淨處？任君選擇吧

學到野

關於淨土宗或者宗鏡錄，巴打有冇咩唔同睇法或者補充？

無補充

感謝樓主🙏🏻🙏🏻🙏🏻

有冇人想講吓其他宗派
或者探討吓 空有二宗嘅異同？
止同觀嘅分歧？

講宗派易講d

講空有止觀就太刺激，因為每個宗派既見解都有出入輕重既差別

你都講吓啦

想到彼岸，應該睇咩作品？有冇白話

呢條問題有啲難答
本身對Buddhism認識有幾多先
想由理論入手 定係直接修證？

金剛經
心經
佛說阿彌陀經

有無白話，用詞不用專業terms
太多terms 唔明
例如依段，buddhism 同”修證”都不理解

睇聖嚴法師較淨土，文筆好又易明。

http://old.ddc.shengyen.org/mobile/toc/10/10-11/index.php