我28歲 同女朋友已經喺埋一齊六年 諗住儲到首期買樓就結婚 女朋友係錢銀上管得好嚴 我番工月薪三萬幾 加埋被動收入收租 月入4萬7到 但女朋友就只比3500 我做零用 搭車食飯另計 佢唔肯加錢 話要用嚟買樓 ok算啦
係呢個平平淡淡既人生中 因為工作關係 去左幾轉上海 因工作識左呢個女人 佢27歲 一開始我地都係傾工作上既野 之後為左方便 互相加左微信 微信有朋友圈架嘛 可以睇到佢啲自拍呀果啲 我都有分享我既野上朋友圈 佢都有留下言
慢慢由工作上既人 變左朋友 佢生活上見到乜野搞笑野都會分享比我睇 講比我聽 如同 我都會分享啲搞笑野比佢聽 我普通話唔太好 佢話唔緊要 佢學廣東話 佢仲有養隻肥貓 好撚得意
當佢朋友 我同佢分享左我既生活煩惱 我大概呻下 咁辛苦做野搵咁多錢但自己就無乜點份用 有時同女朋友為錢銀嘈都會同佢呻下 不過我同女朋友好快又無事 但呢個上海女仔 佢問我 比你有錢你想要咩 買啲咩 我諗左諗 唔知呀 轉個頭 佢轉左2萬人民幣比我係微信。。 話叫我想買咩就買咩 但可唔可以飛去上海陪佢三日
我竟然 衰到又食 又拎
之後仲發覺自己慢慢沈左係上海妹身上 對比女朋友 上海妹 溫柔 體貼 搞笑 有錢 我要咩都比我
呢個關係 已經一年幾就快兩年 琴晚 上海妹有晚打比我 講左好多野 問左我一句 可唔可以同佢結婚 佢唔想再咁偷偷摸摸
我真係唔知點 但我知無論我做咩決定 我都已經傷害左兩個好好的女孩子了