【抗暴之戰】屠龍小隊圍爐談 籲港人覺醒：我哋捱唔到好耐咋

【抗暴之戰】屠龍小隊圍爐談 籲港人覺醒：我哋捱唔到好耐咋

走進房間內，面前又是四個全黑的身影。五個月以來，數不清到底見過多少類似裝束的年輕人，過去往往都要詳談後，才得悉面罩下隱藏的故事，惟獨是他們，大名早就如雷貫耳。

他們的名字叫「屠龍」。

三句話夾雜兩句髒言，這羣小伙子以近乎開玩笑的語氣，講述成軍以來用前途與生命換取的談資：火擲防暴、回身救人、中槍險死，輕鬆氣氛中處處透露着現實的凶險。但眼見五大訴求才剛邁出沉重的第一步，運動卻隨即來到瓶頸 —— 以為繼續勇武果敢向前，每次行動扭轉頭支援卻在數十米外；冀望和理非取得成績，全民三罷又遲遲未實行。兩條路，兩種截然不同的方向，也許哪一項都可在這場沒有終點的抗爭，緩解前線壓力，「反抗係做出嚟（O架），唔係X你X噏（O架）。」明知暴露在陽光下就有風險，他們這一次仍選擇站出來，「我哋嘅目的就係想希望有多啲人醒覺，我哋得十幾個人架咋，我哋捱唔到好耐（O架）咋。」

記者：佘錦洪

訪問在你推我讓中開始。「點解要我喎？」「你改（O架）嘛！」爭辯不過隊友，Edward（化名）坦白說出隊名的典故，「因為佢哋有速龍，咁對付龍嘅方法咪屠龍囉。型啲囉，響啲囉，屠龍嗌出嚟多啲人聽到。會唔會好戇X？」說到最後，還是認不住徵詢隊友意見。

「大家都算係出生入死過吖，成個荃灣淨係捉我哋嗰廿幾個。」

傳奇的開始總是平平無奇。在8月頭有示威者身中三刀後的某個晚上，多名黑衣人響應TG公海羣組號召，到荃灣抗擊鄉黑、保護活動後歸家手足，但集合點旁忽然有大隊防暴警員「落地」，「跟住我哋嗰廿幾個就跑囉」。整晚追逐，所有人僥倖逃出生天，相信當中無「鬼」，於是現場交換聯絡方法開設羣組，「大家都算係出生入死過吖，成個荃灣淨係捉我哋嗰廿幾個」，即晚更大膽回到港鐵站守至收車，最終和平收場無功而還。

正式行動要去到8.25荃葵青遊行，一行人在楊屋道街市外帶頭與警方爆發激烈陣地攻防戰，整個下午槍林彈雨，隊員張麻子（化名）將過程簡化為一句說話：「係咁推嚟推去囉。」真正成名，是晚上突襲二坡坊福建幫麻雀館，亦是運動裏首宗「裝修」，但原來向天鳴槍事件亦與他們有關。「去到最後有一架冇準備嘅狗車衝咗出嚟。」Edward對那晚的情況依然記憶猶新：「跟住我哋就……」「扑狗車囉。」張麻子接續說。

有電視台將「裝修」過程拍下，眾人身上用作識別隊友的粉紅貼紙，被當成卧底警員記認，引來網絡上一眾「冷氣軍師」羣起譴責。隊員James（化名）提起這件事語氣依舊帶點不忿：「嗰日咪啲人係咁話我哋係鬼囉。」當時為求澄清，有隊員聯絡《立場新聞》接受訪問，「屠龍」與「勇武」二字從此畫上等號。「我哋個人認為都係人怕出名豬怕肥。」「槍打出頭鳥。」張麻子出聲修正Edward的意思。「大約咁嘅意思。」

「我哋係想每一次行動，都做到對對手有真實嘅傷害。」

「響朵」以後，眾人行事未有特別張揚，但亦未有因而畏首畏尾，「燒吓狗車咁囉。」「打吓狗咁囉，回身救吓人咁囉。」隊友呂布（化名）替Edward補充。最近一次警員執勤受傷就有他們的身影，「我哋喺個狗屋嘅門口度掉咗支（燃燒彈）入去，我哋掉咗好多支啦，其中一支係exactly中咗隻狗嘅。後尾我哋都知道嗰隻狗係二級燒傷。」「我哋係想每一次行動，都做到對對手有真實嘅傷害。」James如是說。

提到「救人」，記者馬上想到旺角那一記飛腳。「政總嗰個。」「不過好少傳媒影到。」「得俄羅斯（傳媒）。」呂布話中卻洩露他們重視外界觀感的心情：「係我哋先會自己去搵。」「因為我哋一開頭都冇打算畀人知道做過嘅嘢，因為我哋係唔馨香（O架）嘛。」「點解啊？」隊友明知故問。「犯法（O架）嘛X！俾人拉（O架）！」Edward小聲回答，眾人大笑。

但再輕描淡寫，「屠龍」總伴隨極高風險。呂布曾在某次抗爭中，正面遭兩名速龍在15米內射擊，混亂中用手持的鐵通等，幸運地擋下兩粒分別射向臉部及胸口的海棉彈。張麻子提到最危險一次，是以20支燃燒彈進攻旺角警署，「我見到入面嗰個已經揞住呢度（腰間），準備抆真槍。」行動中Edward成為多個警員的標靶，後腦被橡膠子彈射中爆開大洞，需要縫8針，「佢哋（急救員）話如果我再流多陣血，就失血過多會死（O架）啦。」死過返生，他最討厭就是聽到有人以「玩」形容抗爭，「有啲人話喂今個星期又要出去玩啦喎。我哋攞條命出嚟你哋同我講玩喎？冇可能（O架）嘛吓嘛！係啊玩命囉，都玩嘅。」

「我計過（O架）啦，我哋個個項上人頭呢，可以買到貝沙灣啦。」

辛苦在前線打生打死，但有人卻曾假借他們名義籌款。「咁屠龍我哋冇註冊，係人都用得，但你籌錢呃人就唔啱囉。」為杜絕再有假冒情況，小隊已設立官方TG頻道，萬一有任何需要會經該頻道統一公佈。「我哋未去到……」「山窮水盡依啲地方。」但James卻提出異議：「不過都差唔多。」當然，要解決錢銀問題世上多的是方法。「我計過（O架）啦，我哋個個項上人頭呢，可以買到貝沙灣啦。」張麻子向着眾人說。「如果用梁振英嗰個嘢（懸紅）。」呂布心領神會說。

身份神秘，各種傳言亦自然不脛而走。有指屠龍全隊已經被捕而「團滅」，甚至有「遺書」流出。Edward承認屠龍有內部矛盾有人離隊，目前僅餘15人，亦的確有前隊友單獨行動時被捕，但強調由成軍至今組隊出動時，「冇一個人俾人拉過，冇一個人俾人上門，冇一個被自殺，冇人寫遺書。」「我有喎。」愛搞事的張麻子再度發言。「冇人寫遺書擺出嚟。」事實上，他們對於自己一旦失手被擒的結果早有心理準備，「我哋應該未必捱得過24小時。」

敢行動，有覺悟，屠龍的勇武程度令人難以釋懷。《立場》報道曾言隊員幾乎都屬破碎家庭，記者重提這事，張麻子第一個否認：「搞到我俾人屈，X我明明都唔係破碎家庭。」認真的James則坦承確有較多破碎家庭隊員，相信因此思想包袱較少，但不代表大家就應該犧牲。「我哋個個都有夢想（O架），我哋個個都有啲嘢想做（O架），但係，我哋肯犧牲嗰啲嘢嚟上前線爭取啊。」張麻子說出自己的心聲。「因為我哋知道，冇咗自由有好多嘢都做唔到。」Edward補充說。

「你每一次見到後面好似好多人，但係其實嗰啲人都唔會同你一齊真係打嘅話，其實係好X心灰（O架）。」

運動踏入第五個月，勇武傷的傷、拉的拉，對於像屠龍這樣的前線來說，青黃不接是近日抗爭時經常遇到的困境，呂布的觀察也許是不少前線的共同經歷：「我哋對峙嗰時喺度一二一二嘅，跟住我哋以為一二一二係衝啦，點知人哋一二一二係退嘅。我哋一二一二之後一望返後面已經冇晒人。」「你每一次見到後面好似好多人，但係其實嗰啲人都唔會同你一齊真係打嘅話，其實係好X心灰（O架）。」「我覺得如果一開頭就要驚嘅，咁不如依一場運動直接出都唔好出啦，你無謂搞到其他人。」「我知佢哋都有包袱，佢哋都有前途。但仆街，你嘅屋企就係屋企嚟嘅，我哋屋企就唔X係屋企嚟嘅。」「破碎啫，未爛晒嘅！」

晦氣話說盡，愛之深，所以責之切，James希望所有人都能明白，運動不能說停就停，「因為我自己生活喺、由細到大都生活喺香港冇離開過香港，去讀書或者whatever呢啲嘢，我望住每一個香港人都有感情，何況係真係俾人拉嗰班手足？」

他們知道雙方武力懸殊，不是每一個人都有成為「屠龍」的勇氣，但呂布認為即使是和理非，似乎也未有發揮應有力量：「如果佢話三罷，或者罷鐵啊、罷藍舖頭啊，你講完你要真係做先得（O架）。你唔好講完之後第二日就係，繼續搭地鐵繼續幫襯藍舖頭，返工又繼續照返。」

「希望大家唔好淨係識得講香港人反抗，反抗係做出嚟（O架），唔係X你X噏（O架）！」

「其實對我哋嚟講已經係內戰狀況（O架）啦，但出面仲覺得遊行緊示威緊。」James坦言，要達到五大訴求面前擺了兩套方法，其一是全民有心理準備作正面衝突，其二是全民落實罷工，「但係好多人就係覺得，去到呢個樽頸係唔知點做啊。其實佢心入面明明就知呢兩樣嘢。」比起James的婉轉，Edward的話更直截了當：「希望大家唔好淨係識得講香港人反抗，反抗係做出嚟（O架），唔係X你X噏（O架）！」

「能歡笑時多歡笑，這是廉價的藥方。（Always laugh when you can. It's cheap medicine. ）」有份帶領希臘獨立戰爭的英國詩人拜倫曾這樣說。對於平均年齡不過22歲的屠龍，在亂世裏苦中作樂，或者是自我釋放內在壓力的一種方式。個多小時的訪問，笑聲與粗口是不可或缺的兩項元素，結合起來，儼如是對局勢無能為力的自嘲。最後的時刻，忽然話鋒一轉，鬧起超然於黃藍之爭的「港豬」之害。

「班人完全係平行時空啊，平行得好恐怖啊。」Edward說。
「我都得啊。」呂布笑着回應。「我都得。」Edward笑着附和。
「我港豬嚟（O架）咋。」張麻子也笑着說。眾人大笑。

後記

訪問在上周進行，短短數天間，先有周同學因警方使用催淚彈驅散羣眾而導致死亡，再有手無寸鐵示威者遭警員近距離以實彈擊中，局勢變化之劇烈始料未及。日前警方強攻中大爆發二號橋戰役，屠龍等數支勇武小隊到場支援守在最前線，各小隊多人受傷。

出生入死
但個頭目大難臨頭篤灰自保

捱多十幾年先啦

CCTOY 已經割哂

送曬佢地去烏克蘭前線抗爭啦

爆頭小隊

手足

暴徒伏法， 唯一出路。

從來香港就係搵錢，做黎生既集中營。無啦啦因為一個唔聽人講既柒婆，令到共產黨寧願殺死香港都唔可以令佢有變數。

而當初邊有人會估到要迫香港人走到呢一步？望番轉頭，即使聲嘶力竭但都無法改變共產黨個種天生變態既控制慾。共產政權入面，穩定必然先於一切。

大家事後孔明當然會恥笑佢地螳臂擋車，但唔想坐以待斃的話你做既野仲可以又幾多？至少我冇資格去取笑佢地既勇氣。

真係，幫唔到唔敢幫好正常
冇人有責任為自己民族犧牲
放且犧牲左都唔會有效果
但既然已經有人犧牲左至少都應該要尊重返佢地
上面果班冚家剷冷嘲熱諷根本就唔撚係香港人黎
死港奸食屎啦！

係
但個頭目篤灰
黃振強必須死全家

咁黃振強計唔計？

華人有種特質就係去恥笑啲“唔聰明”既人。
聰明到最後，就變成冇腰骨既軟體動物。

咁黃振強篤灰係聰明定唔聰明？

cctoy話核爆都唔割呀嘛

連篤灰狗都唔割

respect
荃灣個次真係堅勁

係法庭認罪算有腰骨定冇腰骨？

respect 埋篤灰狗？

其實唔需要做d咩 ，接受唔到咪直接移民lor

回歸果時走果班人都一早接受左現實 ，以前香港勁係因爲中國咩都廢 ，依家中國唔再依賴香港既時候， d人仲天真以爲自己有特權可以作對姐 對中國黎講政權穩定係大於一切 香港算係d咩 外資又吸唔到 連個金融殼都全部靠中概股

玩monhunt 算啦

唔好話龍，出村連蜥蜴仔都屠唔到條，成班傻鳩收皮啦

Agree

爆頭小隊

1967年六七恐怖活動港共屠殺隊炸彈炸東鐵炸平民。