去旅行會唔會同當地人傾計？

感覺上一班人去旅行就多數圍威喂 一個人就多啲機會同當地人傾計

成日搵架妹同台妹傾計

唔識日文

會搵埋當地人一齊去玩

講真，喺香港有遊客撩你傾計，你都嫌佢阻你時間啦（靚女除外）

係東京屌架雞個時都有傾兩句

會，喺Pub一定會添啦

喺夏威夷一見到人就講aloha
好想再去多次，嗰邊啲人又熱情，生活模式又chill

想 但太毒

會，問路、叫嘢食、埋單、check in / out, 寄存行李

講真會，不過人地唔想同你傾

去過歐洲同美國出trip加stay behind(德國、倫敦、波蘭、加州) ，一個人on99四圍行，有時真係會同人chitchat下。
例如美國嗰次，喺酒店外面食煙見到有人等uber，佢問我邊度黎、我又問下佢做乜等uber。(我無知地諗：點解喺美國有車重要call uber)
搭lift嗰陣見到條鬼佬，大家禮貌地笑下，大家又問下各自邊度黎，佢又問下香港咩情況。(梗係由治及興正L到仆晒街啦重使問)
開工lunch break嗰陣出停車場一角自己坐，咁啱又有人去嗰個位煙break或者食個包，咁又傾咗半粒鐘，有男亦有女，大家各自唔識，黎自唔同州份或國家，個男仔話覺得加州曬起上黎重熱過喺非洲。
疫情前有次去柏林，經過一個車仔咖啡檔，見到有隻「紅酒咖啡」，問個舖仔老闆係咪真係紅酒+咖啡咁盞鬼，咁啱有個中女路過就係買呢杯，聽到我問啲咁L蠢既問題，佢好自然咁主動俾我試飲一啖，係真係同一隻杯，我飲完佢先至飲。我有啲嚇親，但感覺到佢真係好nice。(人哋呢啲就真係說好_ _故事啦)
台灣呢啲文化相近就更加多機會，去夜市同一檔無乜客既木工店婆婆傾偈、同一檔賣民族飾物既原住民哥仔八卦下佢哋既生活同投票意向，喺車站同個清潔阿叔吹兩句，喺小舖同個賣糖靚女又傾下香港糖同台灣糖既分別。
其實只要習慣掛住個一號禮貌笑容，喺相對安全既環境open少少同人吹下水，預咗傾完就永不相干，呢種萍水相逢既感覺，其實係旅行既樂趣之一。