有少少似10年前睇一代宗師個感覺,睇完出場個下已經想入返場
想睇影評出現應該唔少人寫出,今轉都冇咩邊個係吹大左,本身套戲真係威
同埋唔特別吹奏林峯了,出場時已經聽到好多人吹奏緊,的確係值一個提名既
認真想分享返反而係幾個配角
入場可以留意伍允龍﹑張文傑呢類,本身動作底幾好既演員只係一直冇咩機會發揮
睇得出今次套戲訓導係認真係令每個配角就算佔既時間唔長,都比觀眾有個深刻印象
劉俊謙型到on9,唔中意佢了,D妹豬會比佢cow晒
吉夫藥呢套個表現絕對好過上一套世紀大作,起碼今次真係型返轉
大哥大有葉問2既視感,應該係編劇既痕跡黎
劇透既野唔多講,但睇呢套戲有種好微妙既感覺
就好似導演﹑古生﹑大哥大想將電影業呢樣野交個波比林峯劉俊謙呢一代人
講緊可能係30幾到40尾咁上下,覺得係時候要由佢地接班
佢地唔再做主角了
呢既時候都一直諗緊係咪想表達呢樣,係咪想講「城寨」其實就係電影圈
所以最後個幕係都幾touch既
城寨唔係因為location,而係因為有城寨既人