周星馳愛奇藝打造新節目：《喜劇之王》改編綜藝網劇、《食神》變動畫

「星爺」周星馳自從開設IG帳戶後搞作多多，今日（23日）適逢是內地網絡平台愛奇藝舉行《2024愛奇藝世界大會》，公布2024至2025年多項節目，星爺旗下公司Bingo將會聯手愛奇藝，拍攝《喜劇之王單口季》綜藝節目及網劇，另外又會將《食神》動畫化，將由港漫《海虎》作者溫日良埶導。


今日，星爺亦有上載一條短片分享此消息，片段中一封寫住「致周星馳先生」的信出現，由一名員工急步行去交畀星爺打開，直至看到星爺熟悉的背脊，星爺接過信件後打開，看到「2024愛奇藝世界大會」，他嚇得立即將信封丟下。帖文寫道：「我辦工室向來被視為龍潭虎穴，人人敬而遠之。今日居然有人敢踢門而入，原來是愛奇藝世界大會的邀請函，我嚇到縮了一縮！(上身)」

《2024愛奇藝世界大會》席上公布，今次周星馳將會首度參與綜藝節目製作，與愛奇藝合作打造綜藝節目《喜劇之王單口季》。據大會節目介紹：「《喜劇之王單口季》將由星爺作為節目發起人，激勵喜劇演員勇敢追夢，常駐嘉賓攜手行業OG帶隊，推薦來自全國各地俱樂部的寶藏喜劇演員，演員們將在這個全新頂級單口喜劇競演舞台上互相比拼，以喜劇小人物一路成長為喜劇之王！」據知內地脫口秀演員楊笠、周奇墨等人將會加盟。


另一方面，《喜劇之王》亦會改編成劇集，由內地演員蔣龍任男主角，而《食神》亦會實行動畫化，目前已知導演為港漫《我若為皇》、《海虎》的作者溫日良。

《食神》亦會實行動畫化，目前已知導演為港漫《我若為皇》、《海虎》的作者溫日良。

算啦
佢都回哂塘

又周星馳又食神悶唔悶D呀

食神動畫係咪即係變中華一番

家陣香港老一代明星只係識食老本

就好似陳小春 果幾個 每次返大陸仲係到扮緊古惑仔, 唱「來懷念過去....來忘掉錯對.......」

點解係都要喜劇之王
輪搞笑佢頭十都未到

leung到仲古惑仔時代咩

星爺同肥良兩個都係性情中人，會合作到幾耐呢？

一直以爲肥良淨係畫漫畫，竟然做埋導演？

爭人好多錢咩佢

算啦！唔好再炒冷飯啦！

商業角度嚟講唔怪佢嘅 唔返大陸又衝唔出荷里活 香港養撚得起佢

翻拍破壞之王好過

兩個回塘既人走埋一齊只會更加回塘

做過幾套啦
2017年開始，肥良嘗試電影導演及編劇，已執導電影有改編自其江湖題材作《燃燒的夏之龍虎鬥》及《母夜叉》。
仲有海虎動畫版
https://youtube.com/watch?v=TJ7MG8IzBME
https://youtube.com/watch?v=-U-tSZ78YBU

我都諗起

仲食緊老本