首先，香港完全欠缺咗健康教育。係我地既社會好多香港人都有圓肩，駝背，肥胖等等既問題，日常作息飲食又係好差，欠缺運動習慣等等。
而回望我地細個接受既教育，飲食方面就只停留係食物金字塔，體育堂就完全冇任何系統性，科學化可言。中學生涯總有個肥仔朋友(no offense)，咁我學校體肓堂成日都有running test，當然唔會有咩改善跑姿，改善體態，更加唔會有系統性既program，單純計時尻跑，結果我朋友當時就非常討厭。其實本身運動能力較差既同學，上完體育堂，往往獲得既只係錯敗感，同理覺得做運動係一件好辛苦既事。
仲未計平時學校既食物幾有問題。一d錯既生活習慣如果慢慢累積，只會使人生隨時間越活越頹廢，身體差又點會係一個好學生呢，身體差日後人生又點會過得好。
其次，現今教育係完全冇理財方面既知識。但明明理財係佔人生一個非常重要既一個部分，依食住行，拍拖結婚生兒育女，儲蓄退休醫療等等方面，全部都係同錢有關，唔識理財等如唔識處理人生，面對咁重要既知識，學校既教育係0，只談分數操練，漠視錢既知識。
唔好話咩投資先，其實依家有好多人連普通記帳，記錄自己既收入支出都唔會做，甚至係大時大節會成日唔小心衝動消費，如果係教育方面落手將一d好既理財習慣培養，相信情況會好好多。
再者，香港教育打擊學生自信多過鼓勵。係brave new world 入面，會將人分類為alpha, beta....等等既lv……低lv既人所接受既教育就係每當佢想接觸書本，花朵等等，就會攞電去電佢地，久而久之，佢地就會怕閱讀，怕世間美好既事物，而我地香港既教育就係做緊同樣既野。
成個教育體制都係以drive by fear既方法去教育學生，要驚比唔上人，驚唔合格，怕犯錯，永遠一做錯一件小事，立即受到師長既情緒責罵，而忘記怎樣修改錯誤。而事實學習就係將不同既錯誤，弱項不停修正既過程，巨大既成就，要係透過大量既試錯經驗，搵出邊d方法／思維係work，邊d係唔work，慢慢係某一個領域將可以錯既野都錯過曬既時候，先自係成功既開端，自然可以一眼看穿事物與概念既本質， 成為該領域嘅大師。
令人怕犯錯係最大既錯誤，因為一旦失去探索未知事物和試錯既勇氣，呢一世都只會越活越失敗。而學生上到大學都係要追gpa，追interns，怕落後於同年人，看似鼓勵文理學科既大專教育，實際讀過既人，大部分人都只係變得更怕文字數學，覺得唔知學黎做嘜。當人人都覺得學習係一樣好恐懼，好大壓力既時候，自然就係拒絕學習，人生又點會向上發展。
最後，其實係現今教育底下出呢既人，好少有人搵到自己既興趣(就算有都未必識發展，大個就慢慢放棄)，事實係大部分人都係唔太清楚自己想點，結果就算升到上大學好多人都係虛度光陰，前途出路又係照跟大隊，人地做it似幾好幾有錢途，我又去跟先，做政府工就實冇死啦，夠穩定。
先唔講市道常變，根本就唔存在真正既鐵飯碗。而最大問題係如果一個人搵唔到自己熱愛既事情，自然唔會高輸出咁去學習，累積，都唔會將一樣野做得仔細，精益求精，咁最後又點成功呢。
教育其中一個意義應該係鼓勵學生搵到自己發自內心想做既事，但事實係現今去除學生既獨特性，長大窮得只剩下工作，廉價娛樂同無腦消費，一世live for fear,not live for love，活當一粒社會齒輪，被資本家剝削，咁就非常之可悲。
要數香港教育既問題又點咁少，而我都係比較悲觀，唔會自大到覺得靠自己能力可以改變到，只希望做好自己，閒時在此文章拋磚引玉，一抒愚見。
---‐
如果對覺得上面既文章有趣，可以follow下面既page,會分享關於學習，運動，同教育既小insight,謝謝大家耐心閱讀
https://www.instagram.com/build_daily_?igsh=MnhyZXFpZWluNGUz
