廿七廿八歲人想轉行想改變

細佬我今年廿七
細時唔努力
讀書Dse 衰左去讀VTC
讀完做左幾年廚房後再轉行做地盤
日薪還可以但係對自已未來好憂慮同覺得唔夠穩定
想去轉行同進修返
但又怕讀完書出黎三十幾先由頭開始會好困難
各位有冇咩提議？
邊個行業比較有前景？其實而家起步算唔算好遲
前路迷惘誠心求各位人生大師指點 一齊討論下🙇🏻‍♂️🙇🏻‍♂️

好難無啦啦搵條路俾你行
不如你講下你想有諗法
你對邊行有興趣, 等人俾下意見

我有諗過轉去左維修技工 即係物管睇伙嗰類
覺得性質唔係差太多 同埋未來需求都大
但係起薪點低 要捱幾年先有機會再升上去
最重點係冇物管或者樓宇保養既相關學歷

做開地盤咪讀返BSE

物管工程部都幾辛苦, 風火水電咩都要你跟
需求大既, 所謂既起薪點低, 係因為你地盤高人工姐
物管文職要對客, 睇租務個堆亦唔係易做, 學歷亦要有返咁上下
不過一定餓唔死囉, 但呢一行流失率咁高必然有原因

有無諗過電工水喉工?或者裝修?

讀書多 工作時間長 狗也不屌

保險，好多經理招呼你入職

玩一兩年吸乾親戚客就放養你

做得好就話睇住你一步一步努力

師兄你可唔可以講下你本身做緊咩同黎轉行做咩🙇🏻‍♂️

可以講多少少嗎🙇🏻‍♂️🙇🏻‍♂️

我而家係地盤就係做緊電工 但係覺得有太多唔穩定因素🙇🏻‍♂️
所以想轉其他
物管既工程我唔介意辛苦既 調轉講如果流失大有晉升空間我覺得幾好
但係我聽人講 物管工程都係細野自己搞 大野判比人搞
唔太清楚 求指點🙇🏻‍♂️

不了👋🏻呢個仲衰🫠

認真答，同多啲自己識嘅朋友傾有乜工種、返乜工
睇長遠去諗。

現職lock死哂自己個靈魂、時間。許可嘅話放個長假諗/

或冷係創業、做副業：自己「做老細」賺唔賺到，做唔做到已經其次，反而諗到自己想點

Btw 拜神，問睇相流年都唔錯，問下你心目中嘅工夾唔夾自己，多左同自己溝通

事實係行行都冇前景