鐵板神數趣談

「個阿嬸𥄫咗你十幾分鐘啦！」（那個阿姨已定睛望着你十幾分鐘了）老婆悄悄在我耳邊說。

她口中的阿嬸，是昨晚無聲站在我背後的超市清潔女工。說她「𥄫」我是不準確的，阿嬸只是偷看我寫的〈「鐵板神算」董慕節走了〉。那時老婆在超市購物，不知逛多久，我就坐在沙發用手機寫文，冷不防背後有眼，竟實時追看我寫「董半仙」故事——鐵板神數果然魅力沒法擋。

我從未算過鐵板神數，但想起幾件往事，不妨也趁機談談。

一、金庸說董慕節連兒子也不教

九十年代初，我還是一個很天真很傻的中學生，偶然看了王世瑜（筆名阿樂）寫的《鐵板神數趣談》，信以為真，覺得香港有此「生神仙」，非得向他請教算命之道不可。但當時找董批命者非富則貴，又需熟人介紹，我一介草民，何來門路呢？

我知道董慕節曾為金庸批命，便膽粗粗寫信給金庸（我先寄《明報》，要求轉寄給金），道明原委，希望他告知董的聯絡方法。不久金庸真的覆信，勸我死心，他稱鐵板神數的秘訣，董慕節連自己兒子也不願傳授，更不可能向外人披露。如今事隔三十年，董慕節依然沒有傳人，金庸的確沒有騙我。

三十年前，我朝思暮想，總渴望一窺神數奧秘，惜苦無門徑；三十年後，即使早已認識幾位能聯絡「董半仙」的朋友，只是那股天真爛漫的激情，卻早已隨着歲月煙消雲散了。

二、董慕節評黎智英

大約是2018年，我在黎智英先生府中作客，不知怎樣聊起「命運」。黎生向來表示不信命，當時卻滔滔不絕講了幾個算命故事，其中一個正是關於董慕節「鐵板神數」。

黎生自言沒興趣算命，但篤信董的袁天凡大力推薦，甚至自掏腰包替黎付錢，黎就抱着獵奇心態見識一下。眾所周知，鐵板數首先要「考刻」，即推算六親資料，包括你有幾兄弟姊妹、父母存歿、他們每人的生肖等，人人都說這部分100%準確。

儘管六親狀況是你早已熟知的事，根本無需旁人推算，但試想，一個陌生人竟然敲幾下算盤，就可鐵口直斷什麼「兄弟五人，你是老三」、「兄屬羊，姊屬雞」之類，且分毫不爽，也確實足夠令人駭異的。

然而董慕節遇到黎智英，「鐵算盤」竟全無用武之地。會客室中，滴滴答答算珠聲此起彼落，但任憑董慕節如何運指如飛，批了大半天條文，居然連黎的六親資料也「考」不出。最後董慕節宣布投降，不算了，更形容黎生是「怪胎」。

聽了黎生這樣說，我也覺得奇怪，「考六親」是鐵板數拿手好戲， 「董神算」怎會失敗呢？此時黎生說：「我有個孿生妹妹，也許這就是他所謂的『怪胎』吧。」

三、倪匡斥為「胡說八道」的故事

我當年對鐵板神數趨之若鶩，主因是王世瑜那本《鐵板神數趣談》把董慕節吹捧得太神了——昨天提及的「一字記之曰青」故事就是出自此書。當然，我自己是寫作人也很清楚，主角寫得越神，故事就越精彩，書也越好賣，但我認為如何天花亂墜也好，道德底線是不能無中生有。

有個關於倪匡的故事，不肯定是否出自《鐵板神數趣談》（印象中是，但手邊無書，姑且存疑），到今天依然流傳網絡。昨晚我在這裏撰文後，今天各大港媒均有報道董慕節死訊，其中「星島頭條」網有篇報道，題為「『鐵板神算』董慕節逝世享年101歲！上世紀極受明星追捧 倪匡曾斥胡說八道最後被嚇窒」，言之鑿鑿說：

「董慕節指倪匡家有八兄弟姊妹，但倪匡指家中只有七個兄弟姊妹，認為董慕節胡說八道，靠騙成名。豈料倪匡回家無意間對媽媽提起此事，倪匡媽媽指有一名小孩夭折，才知董慕節算準了。」（注1）

記得三十年前已聽聞這奇幻故事，但直到近兩個月，朋友借我看《倪匡談命運》一書（2016年出版，但書中收錄的都是倪匡80年代舊文），裏面倪匡公開了董慕節當年給他推算的命書，我才知道這個故事根本子虛烏有（希望媒體願意更正吧）。

在倪匡公開的命書中，董慕節只批他有兩兄兩弟、一姊一妹，連倪匡在內合共七人，何來「八兄弟姊妹」之說呢？

後來查到蔡瀾《老友寫老友》（2006版）一篇文，也引述了董慕節這個「神機妙算」的故事，但蔡瀾沒輕信，而是直接找倪匡求證，結果是：「他（倪匡）大叫胡說八道，大笑四聲後說：『是給董慕節算過，他一看就說我排行第四，準得不得了。』」

其實根據《倪匡談命運》的說法，董也不是「一看就說我排行第四」，而是一直打算盤報號碼，結果敲了七次條文才中（《倪匡談命運》第31頁）。

由此可見，文字紀錄的確非常重要。沒有可靠的文獻，你將永遠被謊言愚弄。有些事情，真的要等許多年才能撥開迷霧，認清真相。鐵板神數如是，一國一城的歷史何嘗不然？

(注見留言)

_______________________

耶穌說：「一粒麥子不落在地裏死了，仍舊是一粒；若是死了，就結出許多子粒來。」
請訂閱支持十三維度Patreon：
https://www.patreon.com/sefirot

原來連仔都冇傳授

係咪鐵板神數係呢個世界消失？

中國人永遠就係咁撚屎忽，由得d好野失傳

我睇過一個鐵板神算，講左時辰俾佢知後，佢會嘗試推你既出世分鐘，佢每推一個就會叫你去拎其中一部書（有十幾部）其中一頁既其中一行，睇下中唔中。

中就會試十次睇下係唔係個個中，唔中繼續試，直至十發全中。

的確係做到十發全中，不過我搵個個師傅，算日後既就唔算準，十三年前算既，連結婚/生仔都唔準，本野都唔知去鳩左邊。

會唔會係調返轉 知道唔係好野

可能佢心諗都係搵飯食
呃下外人咪算, 做乜要呃埋個仔

以前都有啲文章講
一切都係精密既局由事主自己報晒料等一切好似中晒

未來講乜都得

中既好似風雲咪宣傳

唔中既又會有邊個拎出黎講

鐵板神算係好嘢

正常人會留間公司，留層樓比個仔，點會唔留好野

香港算命依家通常搵邊個?

根本係厄9人既野，做老千都想d後代做番正常啦

零零姐算到英女皇非富則貴

想知係邊睇？點約？幾錢？真心問

好似new kind of science 入面講個cellular automate 咁，所有野都係整定包括未來。只要揾岩你嗰條「formula」，人生係可以預測。

愛恩斯坦話齋上帝不擇骰， 正如v^2 = u^2 + 2as，計到下一秒速度，亦都可以以計第下個n 秒，即未來係可計算

另外想問嗰啲抽出黎嘅書本係叫乜名？

咪類似以前有個燈神精靈網既原理
有個database 問你yes定no
2^n 咁多個分支 十條問題已經有2^10，1024樣答案好快估到你心入面諗果樣野係乜
就算個心諗住劉德華 個西人網都估到
唔識就比佢嚇死

不過就算唔係真係有咩特異功能
個疊書發明出黎果個人真係好犀利 作到咁大堆野（乜野生肖既人，乜野生肖既父母，幾多個兄/弟/姐/妹，各個sibling又係咩生肖 ，當一家三口，都有12^3=1728咁多個可能性 加埋辭世之年既太歲 仲要咁多本書 本本書入面將個情況句句當詩句咁寫 三幾隻字要夠應棍令人覺得中

數學叻 文學都叻 古代乜鳩都無都發明到條友真係幾癲下 抵比佢呃幾廿蚊

仲要操作條友要識記住點引導客仔答問題
真係稱得上係大師

不過亂開命書 寫人未來就唔太好
有d人真係會凝住自己條命唔好就沉左個人

命理問題我好中意討論 我塘邊鶴加把咀 師兄勿見怪

好多算命法算既係象 唔係講實相 唔同人出世後有唔同先天條件 後天累積 所以唔同人得到同一個象 實際得到既相都會唔一樣

或者未來會有超級電腦計算到先天+模擬出後天既所有因素 估計到個小朋友幾高幾大 聰唔聰明 YouTube下一條片會揀邊條黎睇

但係去到佢既一生際遇 佢可以得知全人類會出生既嬰兒既所有基因組合嗎去估計佢老婆會最可能係邊個嬰兒嗎？ 得知全世界所有未來過去天災人禍既發生嗎？知道全人類係每個人既一生會必然獲得乜野資訊？科技會點發展？

理論上 有哂所有資訊係計到人既一生 但理論上 都係無可能的
你未知而想計既野我地let佢做a
所有資訊係@，包括左a係入面
當你尋找一條答案係a既公式 而你需要既資料係@
世上點會劃到一條咁既公式？

睇易經二進制理論、台北大學校長嘅虛數世界（象、全息宇宙）先知道有鐵板神算。

樓主講鐵板神算個過程就好似揾緊屬於自己嘅formula (YouTube 入面講嘅rule 30)一邊係有規範，另一邊係random。一生個選擇係點根據x y軸就可以揾到之後嘅結果

https://youtu.be/CCBtD0kT5-s

我都係一知冇半解