農村純樸只係電影電視渲染出嚟
以前中學有所謂大陸助學體驗團
中學生柴娃娃比500去6日
其餘全數用資助,由香港去廣西
成團師生50幾60人入廣西
4日喺廣西農村,兩日喺附近地方飲飲食食
入到村要上山,由個村民接待
有隻騾仔運緊貨,細個唔識性想騎佢
騎左兩下隻騾仔承受唔到自己重量+行緊上山
舉步維艱,feel到隻騾仔辛苦即刻唔敢再騎
然後同一條路有部靚吉普車出入
去到圍爐大會前,呢部吉普車再出現
落車既人係村長+老婆+隨從出現
喺窮鄉僻壤見到呢d人咁樣落車係好撚有違和感
呢世都記得
然後呢班人就好似係服務我地呢班香港細路咁
我好肯定佢地受唔少好處
當我地問番點解佢地唔整好條向城市既道路
佢地話無咁既資源去做,你地肯嚟呢個地方授予咁多物資
好感激你地,好記得果陣我地帶d文具日用品比d村民,佢地係好開心
我想講既係
呢d窮鄉山頭,其實都有個所謂領導/大佬
食晒頭一浸,而佢地係有權命令到底下階層去做場戲,又能夠食惑到佢地
最底層喺農村生活緊既人
一定係被剝削最勁既一群,可能都係逆來順受最多既人
但就算係規模最細既農村
都有辦法可以衍生到一d人性最醜惡既人
只要呢班人掌握左權,有錢
無乜野會做唔出