怪唔得知YT大哥咁博命，原來同返唔到屋企有關，請大家幫YT大哥回家

4球仔 2024-04-21 18:23:51

Yan Ting周殷廷入行9年靠一腔熱血捱出頭
多次叩門失敗被嘲傻仔感激吳雨霏推薦
憑《意外現場》翻身「我覺得自己死咗一次，用火焚燒過去嘅自己」
▶請到留言撳link睇片
入行9年的 #YanTing（#周殷廷）憑一腔熱血捱出頭，將於下月假Star Hall舉行兩場演唱會，在香港出世的他，自細跟家人移民新加坡，直至9年前才返港，那時24歲的他在追夢路上飽受挫折！日前Yan Ting接受商台 #梁泰來主持《#星光背後》訪問，剖白自己的追夢歷程。
周殷廷15歲便立志成為歌手，在新加坡服兵役後便來港追夢，「喺新加坡嘅最後一晚，我叫齊最好朋友、當時女朋友所有人坐埋，同佢哋講我今次返香港，如果唔成功，我一世都唔會返嚟！」YT回港後向各唱片公司叩門，等了近一年都苦無機會，「我每一日都喺度等，等到佢哋肯出嚟見我為止。通常都話負責人唔響度耍走我，但點解我唔就咁放底個Demo？因為佢哋有權唔聽，我想佢哋直接拒絕我，就算被話傻仔都唔介意。」
終於有日，YT因試音認識音樂人陳孝威，當時對方為 #吳雨霏（#Kary）做歌，他硬着頭皮向Kary自薦，「係非常厚面皮！但唔代表我鍾意，其實我覺得咁樣好尷尬、好肉酸、好核突！但我唔咁做，我就要等命運嘅安排，所以我一定要去爭取。」最後，YT獲Kary嘗識為《#今夜煙花燦爛》MV做男主角，之後更獲Kary推薦給環球唱片簽約成歌手。
YT於2015年被包裝成偶像歌手以跳唱歌出道，但他直認失敗收場，「我認我係一個失敗嘅歌手，我太天真，以為見山是山，但我出道之後先發現，見山不是山，原來做歌手唔係咁簡單，係可以失敗！」
其後他曾消失樂壇3年，YT否認被公司冷處理，而是當時方案唔成功，給時間大家冷靜，「2018年歌又無得出，開始要認命，要接受我係一個唔成功歌手。我同公司講，我做自己想做嘅野，例如拍嘢、做幕後。」當時他返回新加坡，計劃跟拍拖16年的初戀女友求婚，怎知女友卻提出分手，「嗰刻係晴天霹靂！嗰時瞓醒喊、行路又喊，每日就喺條街遊蕩，諗緊人生係為乜？事業一事無成，連最緊要嘅一段感情都無埋。」
當時YT心灰意冷，決心放棄香港一切工作，留在新加坡挽回感情，奈何最終不成功，已打算在新加坡做回平凡人，「當時喺朋友餅店學整餅，點知有日唱片公司打嚟，話我錄底咗一首歌，有人聽到喇，就係《#太平紋身店》主題曲《#遲了悔改》，再問我想唔想返香港呀？當時我係拒絕。」
最後，YT醒覺不能辜負父母的支持，他才決定回港，「我欠父母太多，就醒覺決心返香港，跟唱片司講做埋最後一首歌，所以就做咗之後嘅《#意外現場》。」結果，YT憑《意外現場》翻身，繼續為自己的夢想努力，「我覺得自己死咗一次，用火焚燒過去嘅自己，多謝大家畀呢個機會去認識我。」

如日方中SIR 2024-04-21 18:27:13

又賣慘成堆垃圾

哥基patpat 2024-04-21 18:28:03

算啦好嘛？連登獨醒撚硬捧佢都唔會紅㗎啦。佢啲歌唱腔好撚油膩好outdate，好撚似鄭俊弘嗰隻唱腔噉，作狀到死，一聽到就要即刻熄咗佢。

施生度 2024-04-21 18:28:44

可唔可以渣渣淋今年投個叱叱最男畀佢？
唔想年年聽呢個寄demo 故