冇中獎唔係好彩係正常,我知有好多人都燒咗條12VHPWR,但果啲都係少數,大部份人都冇燒到呢條線,唔係官方會直頭召回全部4090,因為如果真係太多人燒呢條線一係QC有問題一係就設計有問題,呢兩個是但中一個都應該要召回所有4090,因為如果佢係先天缺陷咁應該全世界都有啲個問題,而唔係得少數人有啲個問題
同埋電子產品既保養講真真係自己呃自己,唔係話佢冇存在既必要,只係依家好多電子產品一過保養就會壞,有冇咁啱呀
你估啲廠商傻既咩,佢地俾個保養期你只係想你安心咁用呢件野,但唔代表呢件野就真係唔會壞,總有一啲係瑕疵品,佢地都係想保障返自己姐。其實一件電子產品只要有QC其實都唔會衰得去邊,兩三年貨仔一定有,好似gpu 咁,我張4090夠保3年啦,但我知道佢三年後一定會有問題出現,就散熱膏呢樣野我都換唔到啦,唔通我真係拆咗張卡再落過新既咩,廠商就係捉到你呢點個保養期先set到啱啱好。但無可否認有時你真係黑賓周中咗瑕疵品,就係呢個心態令你會去買貴啲既行貨,有保障呀嘛