麥潔兒主持完《開運旅神團》後淡出幕前
有「美女廚神」之稱的麥潔兒，當年時主持完《美女廚房》後，有一段時間經常在烹飪節目上亮相，而且推出不少食譜，人氣比「美少女廚神」還要厲害。不過麥潔兒主持完ViuTV節目《開運旅神團》後鮮有再現人前，原來她與老公移居英國。日前麥潔兒在自家YouTube頻道分享煮牛腩秘訣，片中看到她的外貌比以前更有星味，小麥色的皮膚緊緻，年齡逆轉變得更靚，看起來相當吸引！當日麥潔兒低調離港赴英，到埗後曾在FB留言表示：「下半場既人生，以世界為家，我會繼續將自己投入在我的烹飪世界裡，用另一種方法將我既烹飪和設計同大家分享和展現。」
麥潔兒澳洲墨爾本買地做地主
麥潔兒亦曾提到因為主持《美女廚房》而令事業起飛，更令她成功賺取「第一桶金」，在2020年更在澳洲墨爾本買地建屋，實現「地主夢」：「香港雖然而家市道差，但作為投資嚟講都偏貴又好細，可以探索下唔同地方，相對嚟講同一價錢四百零萬，已經買到四、五千呎，喺香港可能做幾世都買唔到，相對門檻低好多，我對呢方面好有興趣。」不過夢想與現實總有距離，麥潔兒睇完移民澳洲政策，直言自己的「評級」應該比較低：「有機會住咗幾年後就被人趕走，面對呢個好唔實』嘅將來，同老公商量後，決定將澳洲塊地用嚟投資，改為去英國生活。」
麥潔兒曾因錯誤決定失18年情
不過要放低一手建立的事業，麥潔兒亦說過：「我喺2009年創立自己嘅工作室，呢個係我個夢想廚房，我花好多心思同金錢落去執整，到咗3、4年之後，我遇到人生一個好大嘅困境，主要原因係我做錯一啲決定，結束咗一段18年嘅感情，無咗一個家庭，嗰時感到好挫敗，甚至想放棄所有嘢。」有一日麥潔兒跑到工作室對面的運動場，望住自己的工作室，突然間湧現了一個想法：「嗰刻突然間諗『邊個可以喺呢個咁靚嘅工作室煮嘢？』係我呀！唔係每件事都只係向前走，有時向後退一步，視野會仲擴闊。」麥潔兒開始學習愛自己、原諒自己，珍惜自己擁有的，重拾自信，在工作上遇到經理人、遇到現任丈夫，可以一齊行落去。
