一人幾個交友app識人嘅經歷 (15)

想係App識人係咪CMB比較好？

而家啲人唔知係咪唔識同人相處傾計，好多 like 完人都唔肯講野，做主動先嗰個好似好蝕低咁，做唔成男女朋友識多個朋友擴闊下圈子都唔肯，咁同上ig 睇型男索女 like 完就算根本冇分別

Like定先，如果傾緊果啲突然ghost，我就同新like果啲傾，永遠有貨源

以前交友app熱潮嗰陣 join過一年 T字頭既
未課金前就勁多女like 你，提你把握機會唔好錯失良緣
好啦課咗個 platinum 就個個都冇反應
又話將你個曝光率提到最高，點知根本就變到唔知去咗邊
一直都冇乜女加，之後就算加親啲女8成都係sale 美容，再唔係就大陸妹kk園
試過幾個叫你加tg，傾咗半個月就話佢做夜場做替工被迫比個唔想陪既客屌，問你可唔可以買佢鐘救佢
一個月送一次既boost 次次都係大約先得10個人有反應
有啲唔係肥婆就係賓妹，正常樣既我都懷疑係system既假accoount
初初玩交友app嗰陣唔識路中太多伏
變到中期好似大家黎瘋狂自我介紹咁
後期一睇就知邊啲係假人，掃多幾掃就就冇心睇落去
勁靚嗰啲根本唔駛玩交友app，一係媒一係假人
就算個靚女係真人，實大把仔圍住
靚仔過你幾有錢過你既大把，幾時輪到你
最後到期唔玩之後又會忽然一日間有2、30人like你囉
個system仲係咁提你唔把握機會課金，擺到明有鬼啦
呢啲app根本就浪費時間，同fd 出去飲酒吹水好過

我玩app （cmb/hinge）約出黎都係正常人looking for serious relationship
可能用啱相，寫啱prompt可以搵返正常人？

我覺得同年齡層都有關，始終4字頭
呢個歲數既女性似會去speed dating 相睇多
不過呢幾年心態變咗覺得一個人仲舒服

有無約出黎見過？

分享少少個人睇法，未必全部正確，大家可以當參考

無可否認靚仔係易溝女好多，但又未必每個女仔都淨係睇樣

自問顔值算5-6分左右，身邊幾個朋友都差唔多咁上下，甚至有個別更低分。家底唔算有錢，父母都係基層出身，但全部都係靠上網識人拍拖結埋婚。我自己就過多排結婚，算係交友app畢業。

由於工種好難識人，自己大約十年前開始玩app，約見過30-40個女仔，拍過6次拖，由於拍拖就會del app，粗略計返加埋約有一年半時間係玩緊app。

講返傾計，個人覺得約有8成女仔上網識人個態度係好西，覺得男嘅好似欠咗佢要討好佢咁，你認真傾但佢覆一兩隻字。而我傾落覺得係呢類人一律會skip，因為呢啲女根本就無乜心去識人，可能要見係靚仔先會有好態度

但另一方面，有部分女仔真係有正常去溝通，對呢類人就真係好睇你自己識唔識去傾計引起佢興趣。我講返幾點係女友/女網友身上聽返黎嘅意見，普遍可能會對男仔反感嘅點：
1. 一黎就問拎電話
部分女仔上網識人可能戒心比較重，未必個個想一黎就交換電話，其實如果佢鍾意同你，就算經過app都會覆得你密。相反，就算換咗電話都可以唔覆你。

2.講野太多粗口
無可否認部分人講野鍾意加助語詞，但部分乖乖女又或者有教養嘅女仔又真係未必接受到。

3.不停提前度/講前度有幾衰
呢樣野一半半機會介意，可能令人覺得你未放低，又或者心胸太狹窄繼續數對方不是。

4.講埋啲野差唔多，眼界窄
其實無拍拖可以上多啲興趣班，學多啲技能，睇多啲時事。當對方覺得你咩都識啲，咩都傾到，就自然有話題，更加唔會將你歸類去毒L

5.講野太過正經/常放負抱怨生活工作
可以嘅話就最好間中幽默下，但幽默感又唔係個個識。但就千奇唔好常放負，試問你搵個另一半，唔識氹你開心不突止，仲成日將啲負能量帶俾你，又有邊個會鍾意

講住咁多先其實約到見面都有啲位要留意，如果有興趣知我再講

要你個人本身有趣？或者hit中佢感興趣嘅嘢？
以上都做唔到，就要外表有吸引力啲囉

係咪見完之後先冷淡左？
見既時候有無講埋第日再約出黎咁？

戴個頭盔先，每個人方法都唔同。
我就慣咗唔會將自己姿態放得太低，盡量平等對話。唔洗下下圍住個女仔轉，唔好表現到自己咁”狗”，咁樣反而對方會睇得起你。

同埋要識延伸話題，例如對方講工作，你未必係做佢嗰行，但可能有經新聞時事，甚至朋友，甚至之前識過嘅網友聽返黎相關嘅野，都可以用做話題同佢傾。所以有時你同某個女仔傾完一排未必一齊到，都可以將聽到人地嘅野當增長自己見聞。

同埋有一兩個技能旁身，有可能成為幫到人嘅點，或者對方欣賞嘅點。例如我識少少電腦維修（自學），同埋些少裝修（工聯會），有次都真係因為咁幫咗其中一個ex而一齊。所以我就覺得如果自己未拍拖而又有時間，不妨報下興趣班學多啲野，難保有一日會有用，又或者會經興趣班識到異性都唔出奇。

最後講野間中可以跳脫些少，唔好咁沉悶，啱channel時就會覺得你funny。
舉個例：
A.我聽日去做義工呀，幫下老人家
B.我聽日拋個身出黎做 義工呀，啲婆仔見到我呢塊鮮肉都笑到見牙唔見眼手多多，開口埋口一句靚仔

間中可以做下B，但個頻率又唔好over咗，咁佢覺得你正經得黎又偶爾識講下笑，自然會大啲機會想繼續傾。

想請教下點download hinge?
HK App Store 冇， 試過研究轉Apple ID Country/Region 但係payment 資料過唔到…

我人在英國

hmd 識左個女仔，傾左兩個禮拜，交換左相，有時佢搵我，有時我搵佢

之前約佢出黎，被拒絕，以為無機會


但尋日佢話同個friend 睇戲，唔知係唔係暗示我約佢

今日佢講想去某個地方食飯，任何時間都OK，我約左佢，但個地方勁貴


依家勁怕係sales

飯腳妹？

起碼都後生

最怕出到黎係飯腳大媽