鄧炳強變身KOL推介沙頭角餐廳 形容豆豉炆豬肉 「入口即溶」香煎墨魚餅「唧到成口汁」

保安局局長鄧炳強繼上次介紹沙頭角街市美食後，今日（17日）在社交網站介紹另一間位於沙頭角餐廳，形容「媲美、甚至更勝私房菜」。他首先介紹香煎墨魚餅，形容墨魚很香、煎得剛剛好，咬下時「唧到成口汁」，笑言「唔怪得人哋話呢個係餐廳鎮店之寶」。

他指此餐廳的「炆豬肉」及墨魚卷有別坊間一貫做法，形容完全屬「功夫菜」，媲美精緻私房菜，直言「令人食唔停口」。

鄧炳強指其實有另一鎮店之寶，笑言「藤條炆豬肉」是「個個都怕食」，但這店的「豆豉炆豬肉」卻是很出名。他解釋客家人喜歡煮豆豉炆豬肉是因為以前沒有雪櫃，用豆豉來做就不怕變壞，又形容肥豬肉是入口即溶，更指老闆說炆豬肉要先預訂。

諗起佢D煙屎牙就唔開胃

又用我d錢玩coseplay
死賊仔比返d錢我！

唔講政見，其實佢又幾貼地嘅，sell 下香港食物，又真係百利無一害

影碟餸冇問題
但係佢可唔可以zoom到咁近
老老實實啲豆豉好影響賣相

保安局定旅遊發展局

好親民

名人效應！但係咁做，又會唔會影響到其他區嘅食肆生意㗎？
身為公職人員，行為可以咁嘅咩？有冇不當呀？

爆到成口汁記得刷牙喇
唔係又爛多兩錢重

工餘時間？

有冇其她食評家差不多時間去食但係review反差好大

其實咁嘅年紀算幾charm

其實咁嘅年紀算幾charm

強哥幾時入屯門推介下刀削麵, 支持下家族小店

上次已經有人問
又要講一次

話明沙頭角, 禁區梗係保安局理

唔知同保安有咩關係

而家香港情況咁嚴峻 外國勢力隨時都會干預香港
佢仲有心情拍呢啲片 唔係全力去預防外國勢力
国家安全明明係頭等大事 佢就飲飲食食

熱身準備坐正做特首了
唔講政見，鄧炳強比李家超確係優秀一大截

咁樣會唔會有問題架

份人工charm d 囉。

其實"入口即溶"
係咪2024年版嘅"雞有雞味""有口感"?

肥豬肉點樣入口即溶

啲牙爛晒 要食軟餐

順便過埋關做大帝