《重慶森林》4K版5月重返香港大銀幕

佢唔係話影評人影評咩，記得當時毀譽參半

記得當時會為套戲入場睇都係為咗偉仔王菲，兩個當時最潮，之後金城武爆咗出嚟，仲有啲金句，夠晒村上春樹不過嗰陣去睇未散場已經有人屌老母

不過對比東邪，算小兒科，東邪真係壯觀，好多人以為佢係武俠片，再加埋啲宣傳，以為會好好打，再加埋啲大明星，點睇都唔會再次出事，結果慘不忍睹， 王家衛在場實俾人掟死咗

佢昆到台灣大佬蔡松林開套咁嘅嘢出嚟冇畀人斬死先算勁

好似話重慶係用東邪多出嚟嘅底片去拍，加上依個係佢用自己錢拍，啲錢入晒佢袋，仲要依套一出外國參展就爆紅，賣埠勁搶手，對比東邪爭好遠，佢究竟做過乜嚟冇被人斬死，記得嗰時有人放口風話佢用自己錢拍就勁快手好慳咁拍，用人哋錢就嘆慢板

但係佢之後都係嘆慢板

有外國泵水，重慶好似真係要用自己錢

《重慶森林》亦是當年的金像獎最佳影片，如果毀譽參半，怎麼可能讓評審一面倒認為不可多得而獲選？

嗰陣佢外國已經爆紅咗啦

至少1995年金像獎頒獎當日，此片海外日韓歐美地區還未發行。

佢當年參展已經爆紅咗，由多倫多同唔知邊度開始已經好評如潮，台灣又紅咗，王菲偉仔仲攞埋影帝（金馬）影后（瑞典），到柏林嗰陣又爆紅，已經勢不可擋好多人都開始知佢依套外國真係好受歡迎

其實唔駛諗到咁大，舊戲既高清修復既意義唔真係要令到成個畫面好 sharp 好立立令，最大目的只係配合返現今既播放格式水平。

所以咪要整返套東成西就黎緩和一下氣氛。

真係好好彩，相信佢同鄧光榮當時真係想買起佢。

鄧光榮都知道佢點解唔斬佢，台灣佬真係諗唔明，仲要整套重慶森林又平又快又受歡迎過東邪，明剃佢眼眉成個感覺好似俾人搵笨咁

「唯一沒有被影評大罵……」

全文見FB
https://www.facebook.com/100034332202741/posts/pfbid0ibutBqtBBvAxpahZKRkAZxw9FwvMJDxkFevndFYqXVDCc7ZzqEbhhMrm33hVxM8fl/?

又係你
其實你覆post同埋出post都算高質，講嘅嘢都有point
點解你喺上幾個post會俾人鬧你老屎窟

我講緊專業影評唔係觀眾影評

至於當時普羅大眾評價，其實對比佢其他戲係好好多，但都係有人鬧睇唔明唔知噏乜，悶到瞓著，同時亦有好多人buy ,有啲甚至乎當佢喜劇咁睇，主演評價好好，所以都係有人讚有人屌，學上面話齋，套戲係年輕人比較buy，但年輕人入面都唔係真係好受歡迎嗰種（有啲聽到王家衛嘅名已經彈開咗，多數入場睇嗰啲都係為咗偉仔王菲當時兩個最潮）

以前啲人總之一聽到係WKW就會一律話睇唔明

佢最大問題係成日呃人入場，宣傳期待同入場係另一回事

重慶森林之後啲戲, 觀眾有合理期望咪冇問題囉, 唔會睇入去睇春光乍洩以為係動作片掛

可能因為一次過得罪晒twins ,朱茵，黎姿，mk鋒，容祖兒啩，你都有被人鬧

係
我只係話阿嬌朱茵同埋黎小姐係俾人吹大咗就俾人鬧到上天
又唔係話佢哋樣衰
最搞笑嘅就係傾傾吓反而又認同返你

所以之後嗰啲咪正常返，之前嗰啲屌到開花
不過東邪西毒其實真係有問題，唔講佢又呃人，佢被人屌亦無可厚非，劇情剪接實在太散修修，佢係有feel ,但劇情結構實在有好大問題，睇唔明係正常，其他嗰啲好似阿飛就本身冇乜問題，正常嚟講係會睇得明，悶都係因為當咗旺角卡門嗰啲嚟睇