今時今日嘅香港影壇已經由「TVB系」過渡至「Viu系」

佢只係早開班,先有人才透過TVB出道
有左香港演藝學院你睇佢仲培養到咩人才

咁其實上面主要係講緊實戰下嘅訓練，唔係學院派讀書時期果啲層面

演藝學院都唔見出好多紅星，甚至乎tvb入面都可以搵到啲平平無奇嘅演藝學院校友

你打咁多嘢都係講而家Tvb 無作用
好，我問你，摺咗Tvb 佢或Tvb 都行Viutv 模式唔養人
咁邊個做培訓機構？
現今邊間製作公司做到？或都係搵返YouTuber 算？

培訓咪演藝學院做
電影/電視製作公司去演藝學院揀卒
其實大陸台灣都係咁

亞視都有藝訓班la，最後發展成點？

果陣仲有亞視呢，亞視出生班人實力仲好過tvb自家

而家新嗰啲演員都係演藝出嚟
例如陳湛文梁頌恆嗰啲

真係唔需要講到演藝學院層面，唔通讀完tvb藝訓班有個學位俾你？？淨係讀嘅時間都唔會同學院課程有得比啦，對於演藝學院來講tvb藝訓班只係完成一個短期課程然後盡快掟出去實戰

你估坊間無人搞到呢啲班咩，tvb最珍貴嘅係實戰機會多，如果變成市場多間經理人公司養藝人，我唔認為人地搞唔起培訓班，實戰就變成派去唔同地方拍野，只係冇tvb咁統一化

再講，tvb唔養咁多人，佢其實一樣可以搞班，不過可能變唔收咁多人/收正常學費
如果真係改革，唔係ff，一定有過渡期，唔會一下子改，一定係從tvb藝員管理同培訓部門分拆做起

你覺得演藝學院出嚟就可以即刻有人搵拍戲同拎獎？
好多讀完演藝之後無嘢撈轉行或入tvb 撈
大陸市場大係可以，台灣電影圈都係死死地
同埋我講係在職培訓，演藝學院係提供唔到

想睇教主拎獎

我幾時有話佢紅 我意思想講返香港電影其實喺其他地方都有上 亦都係有資格入圍香港以外嘅電影節/獎 而唔係「香港以外地方唔知有咩人睇過」

咁讀完TVB藝訓班都唔係即刻有得拍劇同拎獎啦
我想講嘅係而家藝訓班已經冇乜必要
只要電影電視製作公司同演藝學院有聯繫
畢業嗰時教授彈班有潛質嘅同學去實習就得
正如你大學都唔係包你有工做啦

電視台嘅訓練應該務求令你盡快熟習公司運作模式，成為一粒小螺絲，咁都唔緊要
但仲可能會令你將公司文化當成整個演藝圈嘅文化

如果要留意先知就唔叫出名啦……

即係咁，奧斯卡提名電影啲演員都唔係個個人識，反而湯告魯斯無拎過就人人識

咁佢個角色又真係唔需要好多表情嘅
佢做一個做到麻木晒嘅記者
有一幕湘湘問佢有冇試過做故仔做到喊
佢話冇喊過 因為辛辛苦苦做個故仔
但班仆街仲逍遙法外 所以做到麻木晒
係臨尾先俾姜大衛感動到爆喊

都唔明做乜好似電影就高尚啲咁
拍戲先叫有心做演員，拍劇就無心
大家咪又係做緊演員表演者
有膠劇咪一樣有膠戲
爛唔爛唔講，講觀眾數
本土戲啲票房已經反映左
電視接觸到觀眾數隨時仲多

如果人氣係你判斷套戲係唔係垃圾嘅唯一標準嘅話 咁都冇咩好講 有知名度當然好 但相信問任何一個認真拍電影嘅演員 有一套電影喺金像/金馬/etc入到圍拎到獎都一定係佢地嘅目標之一

唔紅咪即無咩人睇過囉….，你覺得電影節好多人睇？

我相信有咁嘅務實考慮，而且會越來越大，但拍電影如果得左，對自己個朵點都仲有益處，尤其如果拍劇上過位但又好似去到樽頸果啲，仍然會心郁

文化問題
因為電視跳去電影嘅難度
大過電影跳返入電視
電視劇俾人感覺係流水作業式
對演技嘅要求冇咁大 可能係因為集數多
但電影就係得嗰三粒鐘俾演員展現佢嘅演技

咁係咪人氣高=質素高 人氣低=質素低？如果係嘅話咁鏡就真係香港top男歌手 唔係話香港電影真係好好 每年都有好多垃圾電影 但承認一下香港電影當中都係有部分有資格拎出去見人係咪咁難

我無話質素低，我由頭到尾講無咩人睇

香港班 Youtuber, 有一大半拍D野根本冇營養，冇乜實力，純粹偶像派，性質同12鏡冇咩分別