Carousell 整死做爛市既對手

自己本身全職做，有商業登記，
用商業戶口收錢，行得正企得正。
咁用得商業戶口咁就當然係有交稅；

本身好好地一件貨外國入返來成本$300，賣$350，相安無事，有錢交下租。

但永遠有班無商業登記既0成本仆街搞爛個市，賣一兩件都算，但佢地係大量係外國入貨，仲推到每件得返10，20蚊賺。

其實我唔係介意有對手介入競爭，我係針對佢地無成本，唔洗交稅並且亂標價，搞到我地呢D行老正既鋪頭完全無錢賺；
佢地賣一件賺$20，賣一件賺一件。
我只係一年搞個BR、加埋租個細倉、執數出糧都要幾萬成本。完全係唔公平。

請問係咪Cap幾張圖（有對方User ID同顯示到賣緊D乜野），Send比稅局佢地就會做野？

洗唔洗自己做埋放蛇，問埋賣家個人FPS收錢的電話？

香港地自由市場
你咁講同的士佬話Uber 有咩分別？
你有冇諗下點樣增加自己競爭力？

世界個模式係轉緊
大把人直接外國綱訂，寄到屋企，重平過carousell ,你係消費者你會點揀？

Carousell 都冇規定要有 BR 先用得，掉返轉會唔會係你揀錯 sales channel

做生意唔掂就揾籍口

如果佢哋大量入貨都要地方存放。你哋係賣乜？

如果大量入貨，每件賺$10、佢地仲有存貨，都係冇賺，當佢賣左一半先打個和，佢哋下一步又入貨？又賺$10？做做下見冇賺就唔玩

放心，Carousell／ig shop大把人咁樣隊同行
唔洗內疚 大把人做

賣緊咩類型野先?
佢唔係2手咁賣嘅你的確可以報稅局
競爭嘅事你決定啦

carousell令消費者更多選擇

做生意包賺咩。

快d一齊上網賣野賺錢啦

點解交稅跟程序就叫行得正企得正

你唔諗下交稅比中國香港係一件罪惡既事？人地唔單止唔養香港政府仲比到平價平民，你係咪應該諗下自己銷售點跟上時代

你唔用？
我上去都揀d 本身有鋪嘅買
覺得有鋪有信心少少, 貴啲都會照買

2024仲覺得做中間人有得賺

我想買gergory袋， 但又怕假， 又真係平好多

做唔掂咪執咗佢, 記得去執笠群到報一報

咁咪執柒左佢，又做爛個市佢囉！

稅局不嬲可以捉無br
只不過隻眼開隻眼閉

係唔公平的問題，成本投入唔同
無攞BR已經慳返接近3000蚊成本
幻想下你開餐廳，賣魚蛋粉
租鋪 攞牌 都係成本，都唔好講請人

開晒鋪之後，有人係你餐廳門口 擺街邊檔，無牌經營賣魚蛋粉，先當食物完全一樣咁好食（貨品本身無分好唔好食），但因為無攞牌，又唔洗交租，佢賣的價錢賣平你一半都仲有錢賺。

搶晒好多生意，問你嬲唔嬲

邊個平咪同邊個買
唔好話你自己食水深要賺人$50?

以佢個思維，佢應該屌埋 price.com.hk 個安心購買，pm 完又平幾十做爛巿

外國自己訂唔緊要 咁係D用家醒目
但永遠有班客群唔介意比貴少少，係網上實體店買，又或者自己唔識。
其實零售業就係賺果D人既錢

掉轉uber要交稅，的士唔使喎

你外國訂到貨返黎
我又訂到外國貨返黎
點解要俾你食中間先？
你不如屌埋集運
屌埋OEM廠直賣消費者

就係賣一手 佢地都大Lot訂 + 用個人戶口收錢，又無BR，唔洗交稅，賣平你10蚊20蚊做爛市。

雖然咁講好衰 但其實市場正正係淘汰緊呢一類公司