明星初出道前後對比，有人執同冇人執分別都幾大

由細靚到大

佢新秀嗰陣都已經好靚仔
人在邊緣 男兒本色 回到未嫁時 天涯歌女 嗰陣都已經靚仔到癲

佢啲浪子角色到而家仲深入民心

仲未計後期巔峰時期原振俠拍着靚女到巔峰時期嘅嘉欣

BTW記得陳松伶仲讚佢人品好好

縱橫四海加野獸刑警都紅咗陣嘅
黎瑞恩被公司當陳慧嫻接班人無論音樂同形象似陳慧嫻反而令人哋fans憎佢，好多人過咗去王菲嗰度造成王菲走紅無耐已經極速成為天后，被人當葉蒨文林憶蓮同期
接班人真係玩死人，迅速令人知名不過係乞人憎嗰隻，要擺脫其實好難，通常做到嘅係可塑性好高可以迅速轉到新形象好似梅姐

我真係恭喜你呀

睇黎明都忍唔住要多次關懷佢就知啦，依種可以激發人嘅同情心

咪天涯歌女，松松一炮而紅

以前啲人一直都話佢四大天王入面長處就係靚仔
忽略咗其實佢唱歌其實都OK
好夠中氣同埋佢演技都OK唔會太浮誇Over
係走音事件影響啫，不過之後佢唱live其實好穩
近年佢老咗之後唱live簡直好似行走的CD咁

估唔到你都有咁風趣嘅一面

黎明嗰陣唱到成pat屎咁，已經講到明因為佢外型所以佢可塑性高有走紅潛質先俾佢

可惜有時似傻仔太細路

係尤其係喺Leon呢一種謙謙君子面前

佢新秀嗰陣唱絕對空虛真係唔多好聽

佢演技我覺得麻麻，太木獨，劇方面得人在邊緣做得幾好
我諗起王菲，出道前評價基本上好中肯，話佢係典型偶像派條件同材料包括把聲都係偶像派材料，但佢唱歌係冇乜潛質唔多掂，氣若有絲把聲好薄唔穩好震音域好窄把聲亦清冷，唔係溫暖人心嗰種，音準拍子都好唔掂，無論外型氣質都係氣若有絲拍戲材料但唔係歌手，好似話佢試音都炒晒車其實歌手一係要強勢同活力，一係溫暖人心甜美嗰種，佢完全係相反。佢當年係操到好勁進步勁快先勉強掩蓋到，加上當年正式出道時形象同造型出現大問題令到出道前嘅清新清冷氣質盡毀先天優勢盡失，先變做實力派但佢中後期開始冇操到咁勁，先天不足嘅劣勢即刻出晒返嚟，老實講佢依家其實仲好有技巧唱功，佢唔掂係因為佢根本已經完全控制唔到自己把聲，係先天嘅身體問題，當年都係頂硬上，同埋假音技巧好鬼勁

黎明其實係唱功好廢，但我記得佢先天條件係幾好，把聲
夠厚，氣息穩定，係有天賦嘅，所以依家唱功好佢亦越嚟越好

係啦佢把聲好厚好夠中氣好有氣息係真嘅
但一開始佢唱功真係唔算特別標青，學你話齋我最記得就係行緊我又怕驚動你~我又怕心難say~~~~~

不過王菲拍戲真係有一種味道，好特別 就算佢着啲柒嘅衫 唔靠華麗嘅造型都係有一種好特別嘅味道 重慶森林佢真係正到暈

講起把聲煩我諗起楊采妮佢本人都冇乜嘢嘅，但係喺度墮落天使嗰度唔知點解煩到pk
佢演繹個角色一味剩係得尖叫喺度好似癲婆咁嗌，跟住勁嘈

城城冇乜主角相，以前被人冷落其實係正常

偶像許志安

之前你同我喺另外一個post傾咪有個人話城城靚仔過Leon
跟住直到你post啲相出嚟其實都分別到咩叫主角相一班馬
城城係五官精緻嘅 陽光男孩咁
Leon簡直係夢中情人白馬王子，加埋身高優勢有少少將城城比下去咁

其實Leon 唱歌不嬲都唔係好差嘅
只不過係佢太靚仔俾人歸咗類做偶像派
但係一開波唱歌絕對唔叫好，佢自己都承認自己唱歌麻麻
嗰陣新秀唱絕對空虛同埋水災籌款佢唱對不起我愛你，行近我又怕驚動你我又怕心難say俾人笑咗好耐
但其實講真有少少無妄之災嘅，嗰陣佢係完全毫無準備要清唱，彈嗰個好似話彈高咗一個Key搞到佢上唔到去
但係你搵返千禧年後嘅佢唱live其實都好搵，一六年4D演唱會嗰啲live簡直好似CD咁
到而家簡直係越嚟越精進 進步
上年演唱會佢唱傳情達意仲要跳埋舞（不過當然係簡單唔係熱舞）都係靚仔到爆加型到暈把聲勁好聽勁sweet勁冧女
佢keep到把聲好好

講唱歌
黎明四大天王係輸俾張學友啫
同埋佢啲音樂最前衛最肯創新
算係咁啦
拍戲我就覺得另外三個都好過佢

玩電音真係前瞻佢啲電音歌到而家都仲好好聽

出道前評價就係話佢素顏純白T出嚟已經好sharp有星味，樣算靚標準模特兒身材皮膚白再加埋把聲，外型已經好好氣質又非常獨特，清泠溫柔帶倔強，嗰種孤傲柔弱感係冇得輸，以佢外型氣質走紅冇難度

王菲把聲係好溫柔把聲清冷令佢把聲好有女人味講嘢嘅時候係勁吸引可以電死人動人心弦令人好想保護佢
但佢把聲冇氣冇力兼清冷，完全唔係唱歌要嘅把聲，所以係對佢唱歌好有保留，事實上某程度上證明咗佢哋評價完全正確，依啲先天缺陷克服到一時克服唔到一世

證明咗楊采妮真係冇乜靈魂，形象氣質靠平時嘅克制而嚟，唔係先天，王家衛救佢唔到，其實王家衞識用發掘天賦派氣質渾然天成嗰啲，但唔係後天嗰啲，包括鍾意chok嗰啲例如劉德華，莫文蔚就外型限制，已經拍得佢最好，但冇辦法尤其王家衛係鍾意捕捉演員嘅獨特節奏然後發揚光大，好似王菲跳舞嗰幕係王家衞播音樂俾王菲等佢放鬆，王菲聽到音樂開始唔緊張放鬆自己，不自覺咁跳舞結果喺海外變成經典一幕

係
劉華嗰啲一聽就知係90年代歌
黎明有啲歌到今日聽都仲係好近嘅風格咁

墮落天使入面最經典就係王家衛將嘉欣個臭4角色都拍到好靚好惹人憐愛我見猶憐咁
1818唱片機忘記他嗰一幕，嘉欣喊到成塊面都係眼淚僕喺張枱度加埋個配樂 Shirley嗰把凶空靈嘅聲線將成個畫面升華咗去另一個層次
真係好經典好好睇
最勁都唔係呢一個位，最經典係王家衛可以將嘉欣完全fit落呢一個臭四角色，加埋嘉欣本身靚樣加持
令人一啲都唔會憎呢一個角色如果其他人做嘅話應該變咗啲臭閪角色

之前好似睇過一個post話咩王菲喺重慶森林啲衫係真係求其喺街邊買地攤貨，但佢着出嚟好有味道唔知真唔真，咁樣佢唔算特別靚，但唔醜樣，好有特色好有氣質好有味道 係典型嘅star
佢同嘉欣嗰種靚唔同，嘉欣嗰啲係靚到癲靚到你窒息靚到勾魂，但係嘉欣嘅靚係冇咁有靈魂 所以我都明點解啲人會話佢靚得木瀆

王菲嗰種係有一種好特別嘅味道，清冷得嚟有一種女人味 但係又有啲倔強 同時好前衛