關楓馨上周二（2日）才於IG公布「分」訊，還聲稱：「我知道大家最近喜事連連，但係唔好再嚇親我daddy, mummy啦，佢哋心諗…拖都冇得拍仲可以同邊個結婚呀？」然而，近日關楓馨疑似已火速暗撻大隻現年28歲的模特兒徐灝晴（Hugo）。
關楓馨新歡IG洩「蜜」
事緣香港國際七人欖球賽上周五（5日）起一連三日假香港大球場舉行，欖球員出身的徐灝晴昨晚於IG上載現場觀賽照及影片，可見關楓馨陪他睇足三場，兩人不但全程「糖黐豆」黏到實，表現親暱，其中兩日更「情侶裝」上陣，分別以夏威夷花恤衫及《反斗奇兵》（Toy Story）「胡迪」和「翠絲」造型示人，關係非比尋常。觀乎關楓馨的IG帳號，雖然一直未有分享二人合照，但仔細發現，徐灝晴幾乎Like勻她近月所有Pose，相當識冧女，未知今次突然洩「蜜」為鋪路公開戀情呢？
