開心速遞 （490）

伊沙貝拉群今夜同KC扑野啦.

細龍生都要走
咁三太個仔係咪要出場？

以後二房點算得返佢老母

風少聯合

Peter好似都係二房？

呢套野重組算啦

我已經用最快嘅速度上網返睇哂開心速遞所有集數，啱啱睇晒好攰，認真講一句，不如完咗佢就算，唔好喺度磨爛蓆，一係你整返多啲有主線嘅內容End咗佢

第一「完全冇方向」，所有角色都可以加故事，以往所有TVB處境劇都有一個家庭為中心，例如第一代嘅愛回家，就係馬家每一個人，佢哋簡簡單單返工、拍拖、私生活，你本身定咗熊家同龍家作為主軸，但而家接龍每一個員工都有故事，MT、Ceci、保安部、IT部、佳叔、狗仔社，你咁樣整幾十條線真係完全唔好睇，而且大部份嘅故事內容都只係屬於鬧劇，以前嘅愛回家除咗搞笑亦都有教育意義，而家嗰啲劇情我真係唔識講

第二「完全冇進展」，你淨係風少June曖昧咗接近兩年，我已經睇過資料佢兩個起碼係第1753集已經曖昧，即係2022年已經曖昧緊，做過咁多嘢都仲係普通朋友咁樣，編劇自己諗吓Make唔Make sense？成兩年仔都生埋啦！你多個角色整埋啲伏線，然後全部得個整字，完全唔預先諗定劇情，真係每集鳩諗，整整埋埋TVB啲藝人又離巢，你咁樣睇嗰個好撚辛苦，一係唔該你唔好再整

啲伏線包括，風少回憶起做鬼嗰陣同熊心如、熊心如對池子孝仲有啲feel、池子孝想勸服老豆一齊去菲律賓、池美麗金城安Bonnie有一集忽然三角戀但係又冇後續、George同潘金蓮、Mandy三代賣身契比大小姐、Luna比綠帽細龍生而家仲懵然不知、醉駕明又同素有後續、金城安之前吳旺達學識啲招數淨係同腳柏玩過、阿穎唔知會同Candy定Fanny一齊、朱Ling同Candy條線又係唔知想點、接龍嗰啲人物關係無疾而終

第三「不斷打倒昨日的我」，我好肯定編劇冇校對過人物性格同以往集數講過嘅嘢，有好多內容翻睇舊嘅集數就有Bug，你求其鳩睇一集舊嘅都會發現同近期嘅有好大分別，原因係呢套戲死拖爛拖，拖到二千幾集，先唔好講有大量人物係重複（因為員工唔夠），最癲嘅係可以今日同尋日都唔同

例如Terry會唔會喺片場俾人蝦已經有分別，內容完全唔連貫你都出得街

睇返頭幾集你就會知道Tree根銀行好多錢，但係而家又成日話佢窮又蝕錢，然後又話佢一次過做晒速熊、演員、社區中心、立案法團主席、打理家庭，根本時間上已經冇可能make sense

Ivan以前嘅片段根本唔係毒撚，係有一次Terry變咗Wi-Fi先多咗呢個設定

風少本身已經講到明佢死咗，都可以改話佢去咗美國，佢本身死之前係同一班MK飛車，然後叔公先會去調查係咪佢屋企人害死


第四「相近嘅內容不斷重複」，人物黑化、公司Policy、以為出軌、屎尿屁、成日用夢境去收尾、飛機失蹤然後邊個邊個出事、壞Lift、某個角色被誤會唔係親生、公司有啲刻薄Policy、Terry忽然多咗某項缺點、某角色被誤以為殺人、熊家嘅晚餐出事、經常有角色入院、忽然加多個閒角變三角戀、某角色被誤以為出軌、某角色性情大變或者鬧情緒、之前尋寶圖幫初戀Cafe工作，而家又熊家幫初戀Cafe工作，安凌壯被以為食咗傻強，三太又被以為煮咗池子孝，熊若水話佢阿爸偏心細妹，最近又成日話偏心大妹，已經抑鬱過好多次，風少同素已經曖昧咗成年幾（由1753集同1800集開始）而且呢條線已經加過好多個第三者（韓昭玲、阿希、Ben、醉駕明）、金城安玩重口味同大小姐又同Ceci、龔水婚姻問題一睇已經知結果，任何問題都係誤會

第五「根本已經冇能力再駁落去」，家庭人物係劇集嘅核心，你經歷7年呢套戲已經冇咗好多人，成日做做下走幾個，難聽啲講句趁TVB執之前好地地完咗佢咪仲好，好似我上面咁講你內容係充滿矛盾、重覆、唔完整、冇主線、冇進度

第六「你已經拆散咗我最鍾意嘅CP」，我成日強調安Bon係成套戲嘅精髓，因為我哋喺6年前已經睇住佢哋逐步逐步發展，喺第228集佢哋已經一齊，編劇等同破壞咗大角最鍾意嘅CP，幾年前中學我同一個女同學討論金城安Bonnie差啲扑野個集，我同佢仲傾到好開心，屌你最美好嘅回憶冇咗啦

點解啲人會仲睇落去？其實只係一個習慣，甚至係仍然對劇集有期望希望會改變，有啲淨係想睇仔睇女，我好理解點解有啲人想出去拍劇多過拍愛回家，因為拍愛回家從來唔係講演技，亦都冇劇情重點，一係End咗佢出過一套新嘅，順便放生啲藝人做其他job，一係唔該做好啲，好多集數都慘不忍睹，我想睇返啲有以前嘅質素

唔經唔覺打呢篇長文，唔該睇吓民意，大家都係鍾意安Mon、風少素素應該盡快一齊、我哋要睇到Joe個樣、我哋要多啲女啊！Elaine、Bonnie、素素、Candy、腳柏、Honey、小巴司機

分享一啲我重睇發現嘅彩蛋


第58集細龍太飾演路人Chloe



第764集Elaine飾演Louisa，係一個拜金港女仲呃Terry感情，而且原來佢已經做咗幾個角色


第1538集，原來Honey都有出現過，係飾演流行印度主持

你用咗幾多時間同埋有無加速

上面大癲長文而我又睇哂，開播已經睇，其實每次完一套處境劇新個套都會俾人鬧，初期唔睇好到後來入哂屋晚晚睇。
前期無咩人劇情可以集中啲，之後愈加愈多線愈開愈大，感覺係要頂集數，而且好多講講下無下文，同埋忽略左演員會離開呢個因素，所以變到斷開一節節，又無話好好交代下。
本身無話有咩主線，叫做兩家人仔女各自成家立室，單元講下公司日常，現實發生咩就抽下水，唔洗用腦輕鬆又一集。
就係因為開得太大太多，搞到呢家兩頭唔到岸，完又唔係繼續又唔知想點……
本身都希望可以收個靚尾，兩家人公司開心生活工作，點知兩個要角都走，家都唔完整都唔知點完，希望大台好好諗下啦。

依家都好明顯愛回家只係俾人用嚟攝未有劇嘅空檔期用嚟客串用，即係如果劉丹有大陸長篇劇叫佢去拍，或者佢想退休，佢都可以出走

所以變成每一個角色都係自己支綫，今日同聽日可以唔連戲

限米煮限飯，所以好似愛回家李偉健便成日有主角做

即係話留低嘅人長期冇得走嘅只不過係資源回收筒，係TVB冗員，隨時可以炒

上面位巴打咁多時間做資料收集

好佩服樓上位巴打

肥婆易拎

仆你個街何孟珊對腳

孟珊對腳好撚正呀

認錯人

佢班友咁撚得閒研究d垃圾劇情