9日8夜日本長野松本諏訪遊記

買唔落手
今次長野全程車費加埋先一萬円

太遲了

點解唔去埋觀塘

因為第一日真係太支力
行完善光寺都好眼瞓
返酒店沖個涼,食個晚餐,行陣DONKI就睡覺
晚餐是呢間天婦羅
https://lihkg.com/thread/3661934/page/1
非常好食
去食記得一定要追加玉子天
BTW,長野DONKI個女收銀好靚女

影咗好多相,放多D圖
第二日就去戶隱神社






前一日有去長野巴士到買定伊隱一日PASS先
不過我覺得唔買都無所謂
因為個PASS都3000円
來回一次戶隱奧社係3100円
但巴士唔密,所以我多數都係行去其他社
上山途中見到有雪仲好開心
點知上到去就唔開心了
行去奧社既捷徑俾大雪封咗,試行一步,隻腳陷到入膝頭
要兜返出去大路再入奧社

一定要中出

用咗廿分鐘兜返出大路入奧社
見到D雪又係呆咗一呆
今次著對鞋完全唔岩行雪路
試行咗一段,差D仆街咗廿次以上
最後都係放棄咗

仲多人過旺角

啱行雪地的鞋都會仆街、四腳朝天就仆

4月已經係今年最後一次

之後正式定居日本挽留

行咗成朝都開始肚餓
戶隱貴為三大蕎麥麵之一
一定要試一試當地既蕎麥麵
揀咗間幾高分既去試
未開門都排咗十幾廿個

https://lihkg.com/thread/3662418/page/1
食評如上,我覺得暫時係我食過最好食既蕎麥麵
食完就行去戶隱中社
成個戶隱區係有五座神社
奧社同九頭龍社同一個地方,所以我行唔到入去
剩低個三個社都去到,不過除咗中社有人除雪之外
寶光社同火之御子社D積雪都幾多,差D仆街咗好多次






寶光社條樓梯都幾難行
本身都已經好窄,再有D雪霸咗D位
超難行
所以落去個陣我揀側邊條斜路落
點知仲大獲
D雪好似一層冰面咁係條斜路上面
我幾乎係滑落去,仲差D男人心一字馬

印老闆有料

順便講埋戶隱神社既神話
相傳天照既細佬素盞嗚尊係高天原發癲
激到天照走入天之岩戶唔肯出黎
天照代表既係太陽,所以佢走入天之岩戶開始,世界就無太陽
其他神費盡九牛二虎之力先氹到佢出黎
當中包括露出陰部
而一位叫天手力雄命既神就驚天照遲D一唔開心又走入天之岩戶
所以一手就拎起成個天之岩戶掉落街
天之岩戶就飛到去戶隱山一帶
所以戶隱神社既主祭神都係天手力雄命

live左
去過長野縣兩次
松本諏訪就一次,睇2個花火大會
到E家都好掛住
長野縣真係好地方
不過冇地雷妹唔啱印兒你

用哂大假

好鍾意諏訪
D野又平,又有溫泉
最重要係好少外地遊客
走個日先發現後晚有煙火大會
不過訂好哂野,無得留低

戶隱真係好正
聖誕去知會有積雪已經買定雪爪去
日日上佢個網睇佢live cam相見著慢慢積雪
隨神門打後先係最靚果個位
不過果到開始上斜
無工具又大雪真係好難上去
上次去係落雪又陰天
影相都唔靚
下次會再去多次

松本一香

估唔到四月頭去都仲有雪
不過有雪天氣都唔凍
個日都係行到成身汗

果陣一日行哂四社
行到腳痛再返去浸溫泉

印狗又飛