雖然之前都開過post 建議大家捱到BC可以再考慮愛爾蘭
但個post 有少少玩膠性質 亦都知道搬得去愛爾蘭唔會單純淨係想攞返MPF
我自己本身有BC 呢幾日都認真諗過呢個問題
愛爾蘭呢個國家雖然喺歐洲同埋國際社會冇英國噉顯眼
但低企業稅嘅地方 令到好多科技公司都喺Dublin 設立歐洲總部
仲有本身國家人口都係得500萬 財政上又唔會好似英國噉樣好多福利主義人口同老年人要養活
但IT 藥廠 科研方面工作愛爾蘭前境係比英國相對好 始終都仲係歐盟成員國
撇除咗英國係前宗主國身份之後 香港人對英國環境叫有幾分熟悉同情意結
其實愛爾蘭比英國更宜居
早兩日再search Dublin嘅樓價
閒閒地一間terraced house 都要40-50萬歐元
但自己再research 過 嗰邊council tax 等雜費冇英國噉揦脷
自己當年亦都去過一次呢個國家
雖然當時經濟仍然低迷但感覺上Dublin比London 相對安全
我知道移民唔係細路仔玩泥沙
亦知道港人搬一次屋甚至再移民去其他國家要花好多人力心力物力
大家如果BNO VISA夠5+1 攞到BC之後
如果仲後生 例如30頭 會唔會再考慮移居愛爾蘭?