細個就聽到30歲幾咁爽
30就男人之虎 40就男人之苦
去到自己真正到咗先明白
細個冇錢咩都做唔到
而家簡直係你自己為你自己嘅人生完完全全嘅負責
去到30歲起碼真正有連登仔平均月入咁多先
以前會左諗右諗分唔清自己想要定需要嘅嘢
而家乜嘢iphone，tesla 話買就買唔會點諗
因為知道呢啲嘢會為我創造更多價值
過得更好嘅生活
以前覺得歐洲好貴
而家鐘意去就去
正所謂搵到嘅錢並唔係你嘅
洗咗出去嘅錢先係你嘅
乜都諗退休先做touchwood聽日突然急性有病死撚咗
搵搵埋埋冇享受過就死撚咗就真係慘
越嚟越少依靠人地
細個無得揀一定係父母養大
某程度上對住父母好多時有啲嘢係唔滿意但係都會啞忍讓步專重下人
有時嗰日心情唔好都仲要俾父母激真係想發火
自己住後唔駛睇人面色做人
心情好先探下父母 差就話今日忙OT唔嚟住 唔駛去俾面party
結果同父母關係又好啲
有啲嘢自己搞唔掂又唔想學嘅話都係出去搵人俾錢搞算
即使身邊可能有啲朋友會識少少
但都唔想麻煩人地
以前覺得人識緊係搵佢地幫幫先 唔駛錢喎~~
大咗先知碌人情卡碌完要還仲麻煩
唔會再賴任何人任何事
想結婚生仔嘅亦都係適婚年齡
想為事業打拼已經完完全全知道自己career path點走每日去努力 時間好快過
每日都主張高效率做嘢
日常細務小只連學習都會制定plan
細個可能打開本書發夢喺度hea
過咗3個鐘後完全冇學過啲咩浪費曬啲時間
諗返起竟然細個唔覺得咁樣係有問題好癲
無謂嘅人際關係都好少再維持
留得低身邊嘅都係高質爽快高效率嘅朋友
以前成日有啲鳩朋友問佢去唔去 XX 活動
又話 A 唔去咁我唔去啦，B唔去咁我唔去啦
呢啲人真係煩到閪
相對地要更加注重自己健康
每日都一定抽時間做運動
身體開始有啲毛病係真嘅
希望條命可以襟玩啲
而家都仲yo到啲20零歲後生囡囡
再大啲好似真係爭啲
正正因為完全嘅自由
好想自己任何嘅選擇都100%正確
但現實都知邊有可能呀…
有時都好驚40歲時望返轉頭自己選擇錯誤會後悔
生命倒數
