陳慧嫻林憶蓮當年算偶像定實力派

最有可能上位嗰幾年, 就係梅姐封咪後, 1990,1991,1992 肯定係陳慧嫻世界 (用92年歸來吧大碟嘅質素嚟睇), 不過人哋去讀書人各有志, 其實佢鬥心唔係好強, 同埋太聽公司話, 冇乜自己主見

講天后級，一定有陳份
之不過係名氣無其他天后咁高

係呀，跟咗李宗盛唱功突飛猛進啲人先認同佢，其實佢係敗走香港臨走前已經過咗氣，啲造型係咁被人屌手臂太粗之類，之後仲俾人踢爆抄人封面正式要全面過去台灣

林係靠勤力同持久，後來先追過陳

用歌藝睇, 80年代出道計起絕對係頭五名, 單論聲線本身我得係最靚😂 聽足幾十年都一樣咁舒服, 咁好聽, 用科學去睇因為佢中音共鳴非常靚大概同鋼琴一樣, 所以百聽不厭

歸來吧真高汁，所以而家隻黑膠炒價都好貴

個人認為89年演唱會係全盛期

我覺得係陳最光輝時間太短
D人成日借d意評佢低一級

又話準天后乜乜乜

但講實力，佢係最top嗰堆無得唔認

原版炒到五位數, 強國炒到五皮嘢 同張學友真情流露差唔多, 一來係寶麗金最後一批黑膠, 二來錄音質素實在係高

當然好歌亦多, 飄雪, 紅茶館, 七分愛情三分騙, 月亮... 我可以話紅茶館第一句,冇任何一個人唱得好聽過慧嫻😂😂 紅茶“館” 個館字, 足見功力深厚

而家我開始學人玩下黑膠、Hi-Res高清串流，陳慧嫻同關淑怡係我香港女聲必選

係，真係好勁唱功

持住自己後生又夠氣下下谷上去去到最盡，好癲

後生時陳慧嫻聲靚過林憶蓮,人氣都高好多,而家老咗就完全調返轉

果時我堅鍾意陳慧嫻，記得睇完佢幾時再見演唱會之後就冇乜消息，點知有一日聽聽下903，突然聽到飄雪，我差d喊出黎

各人自有各人福, 因緣際遇嘅嘢冇得好講, 大家都差唔多就到天命之年, 唔同年紀追求嘢都唔同

巴打應該有50歲？

持久力都係比拼既一個指標

陳除左最fit時期太短，係無野可以挑剔

如果佢紅既時期長返d（相信後生會keep到水準，做得到）,無人會質疑佢

周慧敏未紅前，香港無純偶像派，有都唔會紅，黃百鳴想捧 開心少女組 , 都俾人叫佢下次先


陳慧嫻天生勁，加上有寶麗金打底，又有區丁玉幫手，但就算佢唔去讀書，佢最多都係紅到93 94 年，當時王菲 鄭秀文横行，梅姐就算keep住update都俾人話舊


憶蓮出左第一張碟之後，佢自己都想退，不過好在唱片公司鼓勵，最後 放縱 隻碟初嘗成功，去到 華納 大公司終於夠資源同陳慧嫻撼，加上咁多年keep住練歌成為歌后，但避唔到王菲 鄭秀文横行，要去台灣

比較下陳慧嫻只係一個好歌手，佢對歌、詞都無咩主見，區丁玉俾乜就唱乜，所以 地球大追蹤 變變變呢啲歌去到傻女時期仲會唱，而且除左歌外，影同視慧嫻都少參與

而憶蓮基本上出道後，基本上都keep住歌影視三淒，激情 之後已經知自己應該點做，咩歌應該要唱形像要點配合，總結講我覺得慧嫻係出色既歌手，而憶蓮係出色既藝人

我90後，有次因緣際會睇左幾時再見演唱會，
人靚聲甜，唱功又勁，J 左我好多次
之後追返哂佢啲歌。

之後啲演唱會都勁，但無左把少女聲，
無咁好J

林憶蓮比我感覺係好勤力好持久既歌手，唔知點解咁覺得

相對嚟講慧嫻其實有啲“公主” , 有啲懶懶地 本身屋企有錢不愁衣食, 唱歌完全為興趣

完全同意 有一期勁迷佢
應該都算係香港樂壇what if嘅長期top 3

陳有次話會出演一套戲客串一個角色，d fans好期待，之後條友又話病定乜，最後都無出演