君傲灣 VS 將中 VS 將廣

君傲灣： 兩房開的古怪房細，廚房細，黑廁，優點係有露台。
將中： 除咗384外其他黑廁，廚房細。外區人以為係新鴻基（其實幾間夾埋），但部份間隔五門歸心。
商場係高級，但日常買嘢唔會去嗰度買！

將廣：自住收租最實用，外區客以為係南豐就係cheap嘢其實係實用，最緊要廚房夠大廁所戶戶有窗（仲要唔係望天井，間隔除左最細414/417之外，其他都實用！


利申：唔係aa，家人住過。

將中465個則最靚最見使
將廣最大問題係個廳窄
但主人房有個衣櫃位贏少少
加上樓下有aeon同街市係方便啲
不過人就真係多好多
同個平台空間冇將中咁大同保養一般般
君傲灣440好似係五門歸心
扣埋露台又少20呎
不過呢個盤啲則本身都勁古怪我就唔建議
將中將廣>>>君傲灣

全部都垃圾
要買一定係買維景
無論配套環境發展商大細都贏曬

點解唔睇東港城

上過去就知係唔同年代既產物
不過一分錢一分貨喇

入lobby果幾級樓梯好趕客 老人家, 小朋友, 或者要推車仔出入已經好唔方便

將中465住30樓以上向西南有永久海景
一係加多少少住Monterey

之前睇過將中，質素其實幾差下，我個fd住個度，聽佢講成日好多問題，試過成座冇電一日

要對比同期d樓
大部分都有嚴重漏水問題
將中算係中上

有兩條隧道開始呢個優勢已經冇咗

呢個range 嘅價 真係好難揀，件貨都好一般，但買新啲 點都好過買件舊

論地價、維景回都唔較市中心好
而且維景都24年樓
第時仲要填海仲要有機會望到墳場。

講起發展商樓下商場真係細細到冇人有，點樣贏晒呀？

上邊樓齡都差得唔遠
除非真係好有實力唔係好難不停追新樓
我唔係A A但相關行業
有批客係層樓差唔多五年就覺得舊要換新

將廣就算429尺大廳同將中465一樣寬（最樣衰係尖形窗個隻）而將中廚戶係飯廳，而將廣廚就係走廊凹位，大廳可以用盡。
而窄既廳只限414或者417呎嗰類，當然將廣最大去到459/451個類2房廚房更大。

當然，睇嚟重要係黑廁⋯將中君傲都係。

將中都22年樓，而將廣21年同樣係面對保養問題。

少少經驗比較呢三個屋苑

我住過將廣459, 係個廳細, 但係主房, 廚房大.
唯一要留意就係外牆有機會因為時間耐左會滲水.
仲有另外一個隱患就係公用設施成日壞同埋管業處盤數, 住得耐嗰班就知乜野問題

君傲灣係個則古怪啲, 所以一開始睇樓都唔考慮

將中, 我會優先考慮.
雖然係黑廁, 但個則都正常, 而且公共地方企理, 個公園都幾大, 會所都好多元化. 業委會仲會有盈餘喺大時大節搞下活動.

寶盈花園

衰啲講，住將軍澳只係僅僅好過天水圍元朗，我知忠言逆耳

儲多陣錢買大間啲

其實連住好近


你想問啲咩？

上過就知係窄啲
同埋話就話用盡個廳
但無走廊既隔局最大困難係放鞋櫃
429呢個則限制埋鞋櫃/全身櫃只可放大廳左右兩邊
變相令個廳窄上加窄
睇多幾間就明
黑廁就睇人喇
我租左幾年新樓舊樓都慣哂
新樓基本冇問題
舊樓就自己換個三菱靚啲既浴室寶就得
都係2千零3千
明廁我都唔敢開窗

加多少少上蔚藍

睇過將軍澳廣場
平台好細 見到啲人內園跑步 條路勁迫
跟住個鎖匙盤漏水睇到

將中就平台大
戶數多 分享嘅資源都好多
缺點就係黑廁

明廁咪又係樓下有條撚樣喺度食煙
我嗰度就係咁

咩年代，仲講黑廁。。。。
大把新樓都黑廁

係
不過算叫有條私家路同塞車個陣多個選擇