24歲前路茫茫

小弟今年24，上半年人生我整合嚟講係虛度左，讀完個HD出嚟唔係又做返個行（非專業科）

依家係時候還債想揀返一條路，就見師兄就話如果工程想入行就直接搵公司由TA做起，Apply完都收到interview係建築既TA(唔知行情，實際未知到係包咩範疇）當然都見到好多師兄警世，入左行唔好諗住有生活，自己私人時間，但自己又唔係好甘心，而自己揀工程都並唔係為興趣等等，係純粹見到可以半工讀又包讀書進升幾吸引，自己都預左半工讀好辛苦

想讀返啲專業既野掙扎下，好迷惘。

24歲仲早
當你80歲命
仲有半世紀要過
有野想試就試咗先

點止上半年虛耗左
直頭停留咗四年啦

自己都諗緊如果讀書係咪要讀Full time定Part time好，讀Full time又搵唔到錢，同埋都要一筆錢，咁多考慮因素係唔想比屋企人覺得自己再咁一事無成，好唔甘心，但自己都抵死落到咁既田土

打錯係上半人世，所以想追返進度 都係個句自己拎嚟

有HD 做SUB仔唔難
肯努力肯捱既 讀個有認可既TOP-UP
畢業之後做業主 到時先慢慢再HEA

咁你真係一事無成喎

有乜唔甘心？

自己廢但又想攞虛榮感？

TA 係咩位黎

自己都知自己廢既想掙扎下

學徙咁（Technical Apprentice)

師兄可唔可以講多少少
業主即係又指咩

掙扎冇問題, 但係與其係到呻吟不如做多D準備
不如你講下邊間公司叫你去IN

最簡單例如物管
有分FM TEAM 或者PROJECT TEAM
呢D POST都可以算係呀SIR 指指點點 唔駛自己做

趁年輕去外國working hoilday囉

好似係中國建築 中國乜乜個啲

唔該師兄既講解

我見工程都分好多唔同既範疇 咁我做咩TA位（例如：土木，屋宇裝備等等）係咪唔會對我將來既崗位有好大既影響
仲有冇轉崗位既可能性 希望師兄唔好嫌小弟麻煩

諗住靠讀書上位，咁你預左一世窮。

其實用心搵下資料都知工程冇錢又惡做
你見開親po都係屌
極少人講因為佢地7x24 番足7日冇時間開po
轉生三寶：護士，老師，差佬

間間公司叫TA做既野都唔同
跟科文跟ENGINE或者跟測量都有
不過工程HD都搭到其他位既
讀完HD後咪直接去做科文/WS
日後想轉安全環保咪補張cert
想做engine咪補多個top up

見到樓主嘅年紀，令我諗反當年嘅我
分享下個人經歷，20歲至30當中我躺平咗4年，完全無工作無收入亦無進修。20歲Quit U先廢2年，工作2年後又再廢2年，每日打機，睇書，做運動
身邊嘅人有穩定工作，我就完全搵唔到目標。
直至26歲嘅一日，我諗通咗不如去試下做地盤，就走去讀相關課程，點知比我試到原來對機械好有興趣，最後一步一步咁行，直至揸RB。
而家3字尾去咗外國，仍然做同一行業，但放假我仲走去學寫program，就因為有興趣。

我想講嘅係人生真係好短暫，有啲野一旦有興趣或有想法甚至係衝動，有機會就去試咗先，唔啱最多咪quit，至少有試過唔會後悔。
樓主而家先24歲(應該無乜野去要負擔)，若然有想法咪去試下囉，唔啱咪做第樣，所謂條條大路通羅馬

24歲 一定A師O最好

計埋每年調整 10年後Pt13 已經4皮野

不過前提係要你in到先 衰一次就起碼2年後

睇完晒好感觸 我都唔敢講自己係完全無負擔 因為屋企人年紀都好大 好驚做錯選擇同決定 又曬左一堆時間 不過聽完師兄分享 我人會定返啲 自己同年齡既人都開始做野/畢業 而相比下自己真係比下去

無論點努力，最後都係會死，睇開啲，少分別心，做到咪試下做，做唔到就算，唔洗迫自己