原文:
食野要洗手
https://lihkg.com/thread/363050/page/1
對於樓主所提到的議題「覺唔覺得批評其他人唔關心政治或時事既人好撚戇鳩」,我有些少見解。
唔關心咪唔關心囉
好撚得閒?
生活得好地地
首先,就樓主所言,我先假設樓主係唔關心政治、好忙以及生活安穩並安於現狀。
係連登 立場就永遠得一個
無立場=港豬
持連登仔相反立場=五毛
同連登仔同一主場=真勇武
你地班廢青訓撚醒未
而樓主係 #4 所作出既4個陳述,我並唔係咁同意,而主因都係因為樓主所提到既係假設或者觀感,並唔係定義,亦唔可以哩4個陳述以偏全,用唻描述連登既全貌。
係連登 立場就永遠得一個
樓主開得Post有正評有負評好明顯已經代表有多於一個立場啦,只不過正負評多與少反映主流立場既不同。假設連登只有一個立場,樓主既Post應該已經俾人Del左。
無立場=港豬
我確實認同樓主所指,港豬係貶義並具有強烈批評意味,但係「無立場=港豬」我認為哩樣只係一個觀感並唔係定義,每一個人理解港豬背後意思都可能唔同,至少喺我既定義裡面既港豬係「不關心政治卻每日都埋怨民不聊生的香港巿民」,由於我假設樓主生活安穩並安於現狀,故樓主並不在此列。
唔陪你地班廢青癲就比人批鬥話人港豬
在我既認知上,「廢青」同「港豬」同屬貶儀並帶有強烈批評意味,如果樓主所指既「廢青」係近幾年關心政治時事,以至於上街遊行抗爭而至於被捕既介乎12-40歳人仕,咁以上嗰一句即係批評緊廢青,樓主又需唔需要開一個Post「覺唔覺批評其他人關心政治/時事既人好撚ON9」,唻收集下民意呢?
喺回應樓主之餘,我亦都想表達一下自己既立場,我自問會留意政治,亦對現狀、對政府感到不滿,但實在冇辦法又上街又抗爭,更唔好講話可以唔返工,而有一班人並唔係為自己利益,而係為香港既民主、制度、不公義既事件企出唻去遊行抗爭,我係心存感激,佢地做左啲我冇辦法做既事情,嘗試去改變社會。
我亦都好明白有好多人真係唔關心政治,對生活安定既人唻講(自問其實我生活都算安定,政治係目前唻講其實冇乜帶唻啲咩負面影響),政治其實真係可能對佢地冇乜影響,不過我覺得住得係香港,多少就要有啲公民責任,唔係叫你去上街去抗爭,但基本去投票都了解一下而家既政治環境都係好應份,乜嘢都話冇立場或者唔關自己事既人我唔會話佢係港豬,只係會覺得佢好自私囉。
最後送返段故俾大家:
When the Nazis came for the communists,
I remained silent;
I was not a communist.
When they locked up the social democrats,
I remained silent;
I was not a social democrat.
When they came for the trade unionists,
I did not speak out;
I was not a trade unionist.
When they came for the Jews,
I remained silent;
I was not a Jew.
When they came for me,
there was no one left to speak out.