片中嘅小朋友仲咁天真，起碼識笑著講希望將來有公屋住。
自己過來人10歲前已經覺醒到現實嘅無力，
30幾開始叫脫到貧，定義係夠自己生活興趣開支，基本野唔使太擔憂，有閒錢去下旅遊買下衫褲鞋，當然樓都係買唔起住
講番正題，脫貧靠讀書係好難嘅，係甘差嘅環境成長，本身資源少思想方法已經落後過其他同年紀嘅人，好多野嚟係死靠你坐係度對住本書就諗得通，反而透過學其他野激活咗個思維，所以唔少中產又讀書唔錯又識多種技藝興趣，而窮人純粹讀書都比唔上中產就係咁解心，父母支援教學亦好大影響，有家長陪同解決題目vs完全靠自己對住本書，係兩個世界
不過呢家時代有互聯網，唯一呢樣野係好過以前8090年代，呢家上網搵answer都好易，又會有熱心人教你，以前邊有呢支歌仔唱..
香港社會階層接近固化，難再有流動性
中高職位一律係接近「階級世襲」，你冇人脈根本上唔會爬到大部分好位，除咗做專業人士，你讀書叻到做到醫生另計啦....
所以講到尾，我覺得窮學生得2條路揀
一係做專業人士，但需要少少讀書天份
一係就考紀律部隊，唔係搞笑係認真
俾你去做消防/懲教/差佬，起薪都差唔多3皮，仲有宿舍
我揀既係第3條路，投資股票，但呢條路好講運數
