撇除一個醫生肯同保險公司掛單做網絡醫生,多數可能都係名氣差、手勢差,就算你平日傷風感冒去街邊睇醫生,你用保險卡計網絡醫生,佢賺嘅錢少,會相對求其,亦都只能夠開指定嘅普通藥物
但你如果行返入去同一個醫務所睇同一個醫生,但你係自費,佢可以賺嘅錢比較多,佢亦都可以開更多有用嘅藥物俾你
所以點解傷風感冒睇網絡醫生,可能要睇三次先至會好,你自己入去自費可能一次搞得掂
至於你講醫療保險唔買好過買,我覺得係錯誤嘅

你冇買醫療保險,踩單車斷咗隻腳,入去公立醫院做手術,淨係比基本住院費藥費等等,係就係平,但質素係點自己諗
同你自己買咗醫療保險,可以揀你自己心儀嘅醫生去私家醫院做手術,點睇都私家骨科醫生會跟得詳細啲、你有權利去選擇乜嘢嘅方案;而保險同你包晒/80%,自己墊底少少,你買咗一個安心以及服務