我係香港做左8年野，有四單野令我感受好深. 香港人返工真係好以去得好盡
1. 同事返工返到暈左，即刻送去醫院，之後問返係急性盲腸炎痛到暈左。開完刀第二日叫老婆嚟公司拎部電腦同charger 俾佢係醫院覆野
2. 老細個老豆死左，過身佢果日照OT，出殯果日出左去幾粒鐘搞完白事就直接返公司，仲講咁就一了百了，唔洗成日出入醫院，做野唔係好方便覆客覆得慢左
呢個老細好鍾意成日問人買左樓未，未買就要勤力d 做野
3. 有個同事一早攞左annual leave 同老婆去旅行，出發果日跟開單job 有問題個客急call. 老細瘋狂追殺，結果佢即日半夜飛返香港第二朝開會，個假期就咁冇左
4. 3 果個同事因為太緊張份工要錢供樓日日瘋狂OT , 搏升做埋老細d 野，講緊日日OT 到9點，星期六照返公司做野，結果係結左婚年半就離婚，老婆一蚊都唔分佢就咁走左.
呢幾單野係發生係同一間全香港人嘅外資公司
我深深體會到香港生活果種瘋狂嘅壓力令人會開始變得唔正常，甚至係仆街。因為人工唔錯，我都頂撚左3年，有幾次真係收工廿幾歲人係條街喊左
最後可能我個人相對佢地係懶惰同唔正常所以升職上位唔會輪到我，我辭職走果日老細仲要話我懶同垃圾，係香港唔會生活到，可能因為咁，我去左外國，而家過得仲唔錯
