［兩年Daily 大麻使用者］你問我得閒就答

啱啱見到一個關於大麻嘅post 有感而發打咗呢一段文
希望同大家分享吓我對大麻嘅睇法
如果大家有啲咩想知可以喺下邊問 覆到盡覆

我由兩年半前接觸大麻 大概有兩年daily
公道講句 大麻對你嘅影響好睇你個人自制能力
我絕對唔係好proud of自己隊草呢個行為
只係希望作為過來人同大家分享吓

大麻係理論上唔會生理成癮
但係冇可否認佢都會令人對佢有心理依賴
例如我以前習慣咗食飯之前點都會smk少少先
餐餐都係咁大概為持咗兩年
一開始我會覺得自己單純係鍾意stone嘅感覺
去到中期我會覺得大麻可以融入生活嘅每一部份
所以我嗰時做咩都好食 無論返工又好 上堂又好
去到後期我會覺得大麻我人生嘅一部份
我嘅人物象徵 走唔甩咁
去到而家戒咗半年 我都唔敢話自己嗰陣時冇上癮

如果好似我以前咁日日食 247stone就會好影響你嘅人生
我會話自己Daily嗰兩年精神狀態真係好差
我自己鍾意自己食多過同frd子食
時間耐咗我就淨係屈喺屋企 仲有少少恐懼社交
當條街好多人嘅時候 我會莫名地恐懼 然後兜路行
啲時間過得好快 可能因為每日都重覆 食 玩 stone 瞓
眨眼過咗就過咗一個禮拜 再眨眼就已經係而家嘅兩年
呢段時間我失去咗好多嘢 所以我先至會決心戒

不過如果你係一個偶爾嘅大麻使用者
可能一兩個月先一兩次 其實對你心理影響唔係好大
甚至仲可以幫你嘅釋放負面感覺（不過都有人食完會亂諗嘢）

我絕對唔支持大家食到好似我咁
因為真係會令到你嘅生活立立亂
不過就好似小賭怡情咁 我覺得食少少又冇咩所謂嘅
只要你控制到自己 唔係俾佢控制咗你

未試過嘅朋友試之前要考慮清楚
如果你係daily smker 衡量吓佢出嚟嘅影響 共勉之

你日日食有啲癲喎師兄，我認為食大麻適當時候食服用係OK嘅。但如果唔節制嘅話係極度影響精神同身體

我絕對認同你嘅觀點 呢個正正就係我想帶出嘅嘢
所以我好唔建議大家好似我咁
同埋食得太多仲會影響埋記憶力
即是而家我戒咗一段時間
而家我對於近幾年嘅記憶都好模糊

講唔會上癮 但又依賴日日食
咁姐係有無機會上癮

餐前一定食都話冇癮 你每次食碎咩

我話我冇上癮你又信唔信呀？
學術上啲人話唔會生理上癮
但係心理上癮我都幾肯定有

唔上癮就唔會用個戒字啦

可能我冇寫得好清楚
我話大麻學術上冇生理成癮性 但係絕對有心理
我話冇你都唔信啦

純粹討論 有無試過有一日唔食 覺得身體會覺得難受 出汗 之類有side effect

有咩可能 大麻practically同飲酒幾似下 你一日唔飲酒會唔會難受同出汗？

當酗酒的病患有心戒酒，卻往往會產生酒精戒斷症狀群，隨著間隔停酒的時間愈長，則會出現不同階段之症狀：

◎第一階段：停酒12小時內出現心跳加快、全身出冷汗、手抖、坐立不安、失眠、嘔吐、腸胃不適、頭痛、食慾不振等交感神經系統亢奮等症狀。

◎第二階段：停酒12小時後至48小時，可能會出現更嚴重的心血管問題如血壓劇烈變化、心律不整、開始出現包含人聲交談或鳴響的聽幻覺、栩栩如生又景象誇張的視幻覺、口吐白沫合併抽搐的酒精性癲癇，此時若以傳統抗癲癇藥物治療效果不佳，須以迅速給予苯二氮平類藥物方能見效。

◎第三階段：停酒48小時候至一週後，部分酒癮者會出現嚴重的意識混亂，會有情緒暴躁不受控制、言談內容怪異、記憶錯置、定向感喪失等酒精性譫妄症狀，此時病人無論生理上可能會有死亡風險，生活上可能因激躁與怪異不受控的行為造成自身或他人傷害。

唔洗飲咁多下話

其實香煙仲毒，可待因咳藥水仲易上癮。

食完閱讀及寫作能力下降，完全上唔到連登

有嘅
嗰時我戒係有戒斷症狀
第一二日會明顯feel到冇咩食慾
第二日同第三日會出少少冷汗
第四五日心情好浮躁
過咗頭幾日之後階段症狀就會少咗
去到第二個禮拜會好想食返
不過捱過咗就冇嘢啦

所以我都想喺度忠告大家 雖然學術上唔會有生理成癮性
但係或多或少（其實都唔少）都會對你哋個身體有影響

補充多少少 雖然停咗一段時間 我個身體仲係recover緊
記憶力嗰啲都仲係好差 都未復原到

眨眼過咗就過咗一個禮拜 再眨眼就已經係而家嘅兩年

食到錯晒

見到理論上唔會成癮
嗯…

冇點計過 不過試過一個月28g

咁的確學術上唔會生理上成癮
但係你見到我咁 我話我冇上癮你都唔信啦

可能大家冇接觸開唔清楚生理同心理上成癮嘅分別
大家可以上網研究吓
就好似adhd藥利他能 佢雖然唔會生理成癮
但係都可能有心理依賴

希望你身體早日回復番

有冇覺得記憶力差咗？ 或者轉數慢咗？
你足兩年日日都食你唔使返工返學？

我daily smoke 嘅年期係你嘅年期以倍數計
我都好想戒