有冇人成家人都好疏離？

老豆長期唔喺屋企 （又唔似包二奶 似係想逃避屋企）
老母長期怨婦黑口黑面
但又無離婚
兩老冇比過人生指導/意見自己
屋企唔係窮但又未到小康
兩老冇重大健康問題
都從來冇一齊去過旅行 （連深圳澳門嗰啲都冇）
除咗大時大節 新年做冬會一齊做節
其他時間各有各生活
生日都唔會一齊慶祝

有無人屋企都係咁

你可以試下做主動嗰個
帶佢地去玩 去食飯
慢慢修補關係

我都係, 同父母講唔上有咩感情, 都係一年食一次團年飯咁, 其他時間基本上唔會見臉

都係咁，有啲野冇緣份就係冇緣份，要慣自己一個

有咩問題 有收入咪即刻搬走

同你差唔多，

但已經離左婚，同屋企人關係都係好差

當然知自己都有責任。

但無念住修好，各有各生活可能仲好

佢地冇努力經營段關係咪係咁樣 與人無尤

唔係話一家人就一定要好親 有啲人鑽牛角尖唔夾就無辦法 由其是d中坑

疏離都好過日日畀人屌或者家暴啦，，其實疏離先係最好嘅情況，可以好好咁做自己

中五會考放榜自己一個去

我都係差唔多，老豆老母係傳統封建思維。
咁我出世果陣，老豆都40-50歲，所以我都理解，而且老豆會真心關心家人感受。早幾年都已經走咗。
老母就淨係放負，當自己係世界中心，憎人富貴厭人貧，生兒育女係為養老，挑撥離間家庭成員，甚至親戚。
同家姐阿哥關係都唔算親密，自問從來都唔會講家姐阿哥是非，有咩事都講好說話先，寧願no comment都唔會踩多兩腳。佢哋同老母鬧交，我就一定出口幫拖。但每次我同老母有咩意見不合，我發覺佢哋從來都唔會幫拖，最叻就係安慰我 “佢係咁㗎啦/由得佢嘈囉”。
更恐怖係，同我無咁疏離嘅大家姐，個思維越嚟越似老母。
有時感覺自己原生家庭，都有啲似香港嘅縮影。

咁反正做咩都無用，而家我都決定由得大家疏離就算啦！就算脫離埋關係都無咩所謂。
走得就走，總之自己開心就好。

有 我相信老一輩果代都好多係咁

我係類似咁，不過老豆有病患，阿媽日日都跳制，搵緊屋搬

如果唔係日日嘈已經算好
得閒咪傾幾句

六親緣淺

基本上個撚個阿媽都係怨婦

我老豆老母都係，
上一代個腦都唔知裝乜，
為結婚而結婚，
為生仔而生仔，
好似冇任何屬於自己嘅判斷力，
AI都不如

有你幫 佢地就只識冷眼旁觀
情況一樣

見都唔想見
各自係房
同住但唔會碰面

我覺得有血緣關係對我黎講係無意義


又細到大都係一個人


無感情
就算佢地離開對我係無感覺

點解你會知道我屋企既野？

六親無緣～

唔係正常咩

其實都唔係無試過
但好完兩三日
又壞番
壞嘅時間佔九成
然後發現已經習慣咗呢個家庭
壞嘅時候先係日常

起碼你有努力過
對得住自己
你做得好好