二手車買賣流程

請教各位巴絲，我今日睇左車ok，下一步想搵hkmi驗埋車先，係咪約一日一齊係停車場到驗，驗完ok既即場比訂（5萬蚊車通常比幾多？）+簽約，再約另外一日一齊過去運輸署搞過戶？如果車主唔去搞，牌薄直接比我？

簡單版：
1. 睇車
2. 約hkmi上門驗車
3. ok就即場落訂+簽約
4. 約車主一齊去運輸處搞過戶/ 車主比牌薄我去搞
5. 完成過戶後比尾數攞車

流程大致上係咁？唔該哂各位

巴打我想問hkmi上門驗可以點驗，上架唔係要去佢個場先上到咩？

5萬都要hkmi，你預hkmi 會check 到好多野都時你又唔想買。5萬樓下行得走得有冷氣就算啦

過戶前買保險

hkmi麥鳩都check唔到

撞過都唔知咁濟

車房上架先驗屍咁驗

驗過，師父喺轆前擺兩舊野，駛上去墊高部車
第一部買黎操車無撞無大問題就買左

早兩日買完車
同你個流程一樣都係搵hkmi, 不過提提你過戶前要問賣家拎牌簿買三保/全保，如果唔係過唔到戶。

預約運輸署網上約廿鳩幾日，你睇下會唔會搵人代辦 好似幾日就搞店，但係睇你/車主怕唔怕d個人資料比左另一個人，我就唔急交收所以就網上預約， 另外好似仲有得walk in ,去長沙灣排幾個鐘，你自己決定

訂金方面 我架二手車8萬 ，訂金2千，其實都係最緊要雙方同意。 我覺得幾皮野車 2-5千 都係接受范圍

架車幾錢？

Hkmi check成點& check幾耐？感覺hea唔hea

架車內外都算企理，揸左一陣都順，轉波個d都無話疾，基本上都岩心水。其實最主要想睇下有無漏油，有無撞過咁

老實講一般，未必有下次，$1800又唔係平，只不過第一部拎來操車，只係想知無大撞過就ok , check 埋電腦約90分鐘

都係5萬左右 都會同你講有冇位焊過撞過
驗完有本報告比你，跟住睇下需要搵車房執
睇到迫力皮仲有幾多、波箱有冇問題、冷氣凍唔凍、有冇漏水漏油、條軚點、有冇位補過油漆個啲

大約驗一個鐘

睇完未驗之前可以講下價
否則驗完無乜大問題，就算有d 消耗品要換都未必有得再講價
驗完OK就問賣家拎牌簿買保險出cover note
過戶就睇吓賣家有無智方便+，有既話就咁約時間就得
基本上都係今日約聽日就搞到唔洗等好多日
如果兩個都無時間就搵代辦啦，一般兩百搞掂由買家俾

1)私讓訂金$2000（1日人工，驚你甩底）
2)傾好哂價錢先約驗車，驗到有問題再決定買定唔買，驗完冇問題落訂拎牌簿副本，當然事前你可以問agent車保大約幾錢，牌簿係方便出cover note。同agent熟而又夠時間可以上午驗，下午過户
3)hkmi搵過4次都唔覺同事後搵車房再跟有咩分別，可能4架都係日本車，最怕撞過同漏油，噴過油做灰佢有儀器度到，會用木方升起架車睇。另外有d停車場唔比做驗車

我自己揸過 break 停到 冷氣夠凍就算
驗都廢事
ps. 架車$45k stepwgn

我覺得ok
Check 一個鐘左右
會有報告，同send 返晒啲相俾我睇
同埋話我知有咩問題，有無咩要留意
有問題果啲位會叫埋我過去睇，講解返