【四月新番】 吹響吧！上低音號 3 討論區

奏睇得出真由奸奸地
所以保護久美子啫

其實有咩奸，真由同久美子嘅諗法都係正常人諗法

久美子做社長要公正，唔想真由放水，但始終人有私心，成個社團咁多人好難個個滿意

真由就作為插班生唔想搞咁多嘢，有得參與已經夠，廢事搶舊生個位，但久美子開到聲要公正惟有照去馬，不過社長人緣好，真係有咩依郁一陣大家唔開心，結果又走去同久美子傾多幾次，而最尾真係搶咗個soli位大家即刻議論紛紛

其實只要久美子贏晒啲audition就得，可惜即刻輸咗

係奏唔知做乜講嘢句句有骨，最尾A team都入唔到

蝴蝶又落網了

真由媽媽似一係唔好叫我玩，叫得就全力咁落場呢個感覺

我反而唔會將久美子嘅說辭理解為需被拆穿嘅官方發言
我覺得只係久美子嘅一體兩面
無論想吹soli同想有能者居之，兩樣都係佢嘅真實想法
想吹soli就唔洗講啦；後者除咗因為佢部長身份之外，佢一二年級所經歷嘅一切 都應該會令佢真心相信依個理念



而我估之所以真由咁在意久美子，其中一點正正係因為真由都有相似嘅一體兩面，而隱藏嗰面被久美子喚醒咗

冇記錯真由個設定係自細就因屋企搬嚟搬去而成日轉校
喺依個背景+性格之下，令佢永遠在意人際關係多過自己演出機會
但唔代表佢內心冇想被看見嘅渴望

睇今集開始冇耐上旅遊巴時 有幕影住真由份譜 係solo個段mark咗唔少筆記，就知佢唔係完全唔想爭取

然後睇佢略帶羨慕咁話喜歡小奏，因為小奏表裏如一，其實亦反映緊佢自己都渴望可以咁無所顧忌咁做自己，唔洗抑壓住

再睇佢最後一次向久美子確認嗰段，說得激動之時 亦似係佢內心之中兩把聲音角力而生嘅掙扎，佢質問緊久美子嘅同時亦係質問緊自己：真係可以咁做咩？

而既然久美子再次咁理直氣壯咁講出希望有能者居之，真由都願意相信 並賭上自己一直重視嘅人際關係而全力以赴一次



之前久美子話從真由身上睇到從前嘅自己；
某程度上真由亦從久美子身上睇到自己內心一處所憧憬嘅願境，就係唔洗理啲閒言閒語盡情咁發揮同享受演奏

冇評擊部長
唔想部長到最後兩頭唔到岸，就好似麗奈所講佢依家已經影響到自己嘅表現
見部長擔子太重

[quote]明明都預咗個結果，但都睇到我勁緊張，心臟就爆出嚟

真由今集嘅mygo式發言「為了久美子，我甚麼都會做的」說明佢可能真係想犧牲小我（自己嘅人際關係），完成大我（奪金）。

但矛盾位在於真由睇到久美子真係好想要soli，所以一方面「為了久美子」，佢理應盡力去參加選拔以提高奪金機會。另一方面，佢應該「為了久美子」而讓出soli席位。所以佢喺浴室同久美子做最後嘅確認。

不過有一點我開始諗唔通，真由點解會對久美子咁執着？真由一開始都只係想要融入吹奏部，但無話對邊個一定要交心。我嘅推測係真由喺聽咗部長多次嘅官方發言之後激起把火「我就睇下北宇治有冇人真係會為我選上感到高興」。所以把口就話「為了久美子/為了吹奏部/為了奪金」，但潛意識係想拆穿依啲官方發言。亦對應返久美子認為真由就係過去嘅她，大家都係「性格惡劣的女人」

以上純粹9up，但如果真由真係咁諗就真係太正了。我就係鍾意腹黑的女人。

我反而唔會將久美子嘅說辭理解為需被拆穿嘅官方發言
我覺得只係久美子嘅一體兩面
無論想吹soli同想有能者居之，兩樣都係佢嘅真實想法
想吹soli就唔洗講啦；後者除咗因為佢部長身份之外，佢一二年級所經歷嘅一切 都應該會令佢真心相信依個理念

我其實完全認同，可能我寫得唔好。
依到嘅拆穿並非單指久美子相唔相信佢自己嘅理念，而係指整個吹奏部係咪都真係會奉行久美子嘅理念。而結果我哋都係今集最後嘅紛議聲中睇到，的確冇乜人為真由選上soli而高興。

而我估之所以真由咁在意久美子，其中一點正正係因為真由都有相似嘅一體兩面，而隱藏嗰面被久美子喚醒咗

冇記錯真由個設定係自細就因屋企搬嚟搬去而成日轉校
喺依個背景+性格之下，令佢永遠在意人際關係多過自己演出機會
但唔代表佢內心冇想被看見嘅渴望

睇今集開始冇耐上旅遊巴時 有幕影住真由份譜 係solo個段mark咗唔少筆記，就知佢唔係完全唔想爭取

然後睇佢略帶羨慕咁話喜歡小奏，因為小奏表裏如一，其實亦反映緊佢自己都渴望可以咁無所顧忌咁做自己，唔洗抑壓住

再睇佢最後一次向久美子確認嗰段，說得激動之時 亦似係佢內心之中兩把聲音角力而生嘅掙扎，佢質問緊久美子嘅同時亦係質問緊自己：真係可以咁做咩？

而既然久美子再次咁理直氣壯咁講出希望有能者居之，真由都願意相信 並賭上自己一直重視嘅人際關係而全力以赴一次



之前久美子話從真由身上睇到從前嘅自己；
某程度上真由亦從久美子身上睇到自己內心一處所憧憬嘅願境，就係唔洗理啲閒言閒語盡情咁發揮同享受演奏

係，依到我同你都將真由對照返昔日嘅久美子去剖析真由嘅心理活動。

我係用久美子「性格惡劣」嘅一面去解釋依家嘅真由。就如久美子會無意中講啲好hurt，但又冇得話佢唔啱嘅説話「乜你覺得我地真係有可能去全國？」，真由都可能喺無意中想試試久美子以至大家信奉嘅實力至上主義有幾堅實。但就用「為了久美子，幫助大家奪金」依啲説話去掩飾自己想出盡全力嘅真正原因。

相對而言你係用久美子「唔想再有所保留，不論係對人，定係對上低音號」依一面去解釋依家嘅真由。睇完你嘅解釋，其實你講得更加正路，乎合返京吹個主題。只不過我就係鍾意腹黑嘅女人，所以就用腹黑嘅方式解釋真由，睇嚟真正「性格惡劣」嘅人係我先啱

到底吹奏部對久美子冇咗獨奏位會點反應呢

依個時機整返個小挫折 啱啱好啊

下集劇情

咁奏都係正常人諗法啫
觀眾有上帝視覺就話，現實有個本身唔熟既人耐唔耐走黎問

"我參唔參選好? 萬一我選上左有人會開心咩?"

大佬，你想人點答，仲要出名客套既日本人喎。你係真係咁冇所謂又咁體恤人既，你自己咪唔入囉。
同埋學久美子講，你咁問，係咪即係你話俾人聽你自己入硬先。

問有咩問題先...
真由唔問久美子 直接贏左 或者直接退出
到時咪又係比久美子問
問左起碼你知左先
仲要真由今集睇過哂久美子點諗
麗奈多重演奏 食飯個時 最少兩次 沖涼先至講

套用番現實
如果玩緊社團
真係有個插班生係咁問
講真真係覺得冒犯同埋煩
你咁撚勁咪抵你入囉
問完一次, 又問兩次, 三次, 四次
想點啫

問左有以下問題:

1. 其他人聽落會覺得講到自己入硬咁，只要自己認真其他人係冇機會爭

2. 真由個問法對作為部長身份既久美子，已經預設左答案。
真由既角度可能覺得以朋友身份問係冇問題，但如果久美子否定真由參選既諗法，同真由講 "你入選既話有人會唔開心架"，其他人知道左會點諗？咁答法又係咪變相部長欺壓緊插班生？

同埋問咁多次，我覺得其實係真由想俾多d信心自己去正當化認真參選多d

久美子咁好人，綁架完人仲得閒幫佢套返對絲襪

無啦啦搵綠講咩

麗奈連珍藏唔捨得飲，老師送嘅飲品都送俾阿綠嚟安慰佢

佢最大既問題就係係到問問問 搶唔搶個soli好小事 邊個勁邊個吹 問題係廢膠呀嘛
你唔想嘈交就直接自己退左佢唔好問咁多廢話
如果你想吹你咪認真吹囉 久美子已經講完又講完又講北宇治係實力主義

你咁樣問得出口 你唔係想知道答案
因為正常部長都唔會同你講 係呀你好阻掟呀退左佢啦
所以佢咁樣問只係逼人答佢唔洗退 拎個口實 部長叫我認真吹咖 唔關我事咖

我覺得真由身為「外人」，係質疑自己要如何喺呢個社團自處，多過想主動挑釁、質疑人冇實力就攔喎。只係奏同久美子將真由問自己嘅想法，詮釋成自己（奏/久美子）一定會輸，老實講你有自信有實力，點會介懷他人做成點。要論撩交嗌、自大同小人之心，真由遠遠及不上奏條八婆啦。

久美子一路講實力優先，社團利益為重。但好明顯幾集以嚟咁多內心戲，佢知道自己同社團d人心底唔係咁諗（或者唔「淨止」咁諗），佢地內心深處仲會覺得原北宇治、年資高就更deserve個位。

係直到今集久美子講清楚緣由，坦承唔想重蹈覆轍，真由確認呢個係久美子真實想法，真由先立定決心，不隨波逐流做自己。

對比番劇場版奏audition就明點解有人會屌真由
奏同夏紀果陣都係講社團和睦,最後一年要有得上台
奏唔會走去問夏紀十次我唔去audition好唔好
係直接走入去鳩吹
到後面雨中比狗尾子屌醒之後又冇繼續扭擰
你可以話係因為夏紀都有team A,　結果論先冇搞大件事

但係起碼個過程直接好多，唔似真由一邊話自己份人冇乜所謂
一邊又對好多事好有原則
例如唔鍾意上鏡，想高三繼續玩吹奏樂，覺得新手追唔上就由得佢地退部
個人物塑造到假好好麻煩，好似特登最後一年要寫個新大佬出黎打咁

創作做咁㗎啦 總係要寫啲大佬出嚟畀主角打下
不過到目前為止 我並唔討厭真由呢個角色
佢呢種係好典型嘅日本人性格 成日扭扭擰擰 門面嘢做足 但內心有另一種諗法
同香港人口直心快嘅個性差好遠