我同細佬都喺傳統觀念好重嘅家庭長大，由細到大我哋姊弟關係都好好，我會去接佢放學又會帶佢食麥當勞，我真係好錫我呢個細佬，有時候返part-time都會分零用錢俾佢
我細佬今年中五而我就讀緊大學，因為申請咗學生宿舍，所以每個月淨係返屋企幾次，但係仍然無損我哋一家和睦嘅關係，直至到尋日返屋企食完飯嘅時候，我細佬拉咗我入房話有好重要嘅嘢想同我講，佢話講之前要我應承佢絕對唔可以同屋企人講，平時好少見到佢咁凝重，我當然係應承咗佢啦
點知佢竟然同我講佢係Gay，佢話佢由細到大已經知道淨係對男性有興趣，而家年紀大咗先知道呢啲叫Gay，仲同隔籬班一個男同學秘密拍拖，我當場聽到呆咗。。。完全唔知比咩反應佢好，佢一路喊一路同我講。。。嗰個時候我真係成個人stone撚咗，內心淨係諗點解上天要俾呢個缺陷細佬
尋晚成晚都瞓唔著，我唔喺屋企呢段期間唔知佢識咗啲咩人，定係天生係咁，我依家淨係覺得個問題好撚嚴重，大家覺得我應唔應該同父母講好
