有無人可以話我知,半工讀會有幾辛苦?

最緊要識偷時間，坐巴士就訓教補眠，返工lunch／冇野做就prep下堂
禮拜六上完早堂晏晝順手溫埋書，要玩要約飯就順便襯果日出開去玩埋
上堂其實多數ok enjoy，你進修得多數都唔會抗拒你要讀既野，學新野同埋識新同學多數都會幾過癮

最辛苦覺得係考試趕paper，特別係如果你有要求

做工程以外半工讀冇問題，做工程半工讀就自己攞嚟賤

本來有就會一直有，本來無就無好諗讀書會幫到你人際關係。可能識到書友，但多數都睇利用價值。

咪諗啦 拍拖都要時間同成本架
就算比你溝到 你成日陪唔到
Msg又冇時間覆 錢你又冇乜
咪又係好快散 咁不如你喳喳林讀完先算啦

block placement仲番到正職？

試過返學即去返工，七點起身凌晨一點返屋企。
每個月等兩日有半日假。連頭髮都無時間去剪。

hea讀求畢業都要日日放工番去唔打機做工課。
考埋試就更加番工時搵時間溫書
同埋要接受，未必拎到 Frist

試過收工荔枝角返對面海
上7點堂 6點半先到
飯都冇時間食
落堂已經9點

你咁問都都幾肯定你唔會頂得順

正常生活都唔會有 更何況溝女

好撚辛苦
果種辛苦你唔試過唔會真正感受到

生不如死 訓兩三粒鐘就返學
有時天地堂或者得一堂直接走堂

唔洗返四日都好辛苦
我讀二年，上堂其實好小事，交assignment先麻煩
試過已經三星期前開始做，但係咁卡關，最後果個星期無訓過，係咁隊咖啡

唔讀又難升職/無得升=搵少左錢=都係咁辛苦=時間慢慢俞黎俞少

星期一早上 香港->澳門 番工
星期二放工 澳門->香港 番學
星期三早上 香港->澳門 番工
星期四放工 澳門->香港 番學
星期五早上 香港->澳門 番工
星期五放工 澳門->香港
呢個生活方式過左半年

阿媽驚我辛苦，不過都係頭一年多湯水，之後都冇乜特別
起初出黎做野，萬零蚊人工，家用俾唔到好多，屋企人都理解，到每次轉工，就再加多啲
女朋友都知未搵到錢，佢都有就住我，捱過左依家做左我老婆
興趣就行山，打機同砌模型，其實時間分配得好
可以兼顧到，因為平日有2-3晚要返學，放假就會好好珍惜出去玩/同屋企人飲茶
屋村仔長大，屋企清窮，要改變就要靠自己努力

工程

parttime，所以兩個實習都係concurrent

返學果陣，好多同學都係咁，仲有啲年紀唔細，佢地仲叻

有朋友pt讀phd都係咁捱左幾年終於grad

咁巴打都真係幾犀利
唔係咁多人捱得到
而且女朋友亦都好體諒你
你已經贏咗好多人