我自己既方法主要分為睇同聽，呢啲方法都係以前讀書啲朋友教的。
睇：開始時會選擇較短篇小說為主，一開始盡量揀啲睇得明8-9成既書睇，限制自己每個chapter 只準查vocab的數目，超出後只可以靠上文下理估其意思，而查完既字記錄低，第二朝再睇，如果記得就delete 記錄，唔記得就再loop到下一日。佢話咁樣做主要目的係為左提升自己Input，即使轉化為output既效率唔好，但時間長既情況下點都會有所增加，而效率會提升，從而提升英文能力。
聽：會選擇聽audiobook ，聽番睇過既chapter，由每朝訓醒開始帶耳機聽，直至做野先停。當時佢形容呢個方法就好似掛機升lv一樣，令自己周圍的聲音都係英文，就算聽唔入耳或者發緊白日夢，都總會留意到一句半句，聽得一句就賺一句。
睇+聽：一個星期搵兩段約5-10分鐘既英文短片，可以係podcast / speech / others ，將所講既內容好似打字幕咁打一次，打完之後再同原字幕進行比對，聽多幾次自己打錯既部分。我初頭會選Disney 既電影入面揀部分環節，貪佢有官方字幕之餘內容唔會太悶。
最後希望各位巴絲打可以分享一下，交流下大家學英文既心得
