王敏德同馬詩慧兒子王躍穎（Kadin）於美國完成演藝課程後，就一直冇返港長居，早前宣布會做演員向荷里活發展，出道首部作品是微電影《Bloody Party》，Kadin在片中要應付大量動作戲，更有血流披面的鏡頭，挑戰度十足，遺傳了父親高大身形的他，拍打戲有板有眼，難怪Janet都曾盛讚兒子有演戲天分。
王躍穎身形盡得父母真傳，擁6呎身高及40吋胸肌，熱愛欖球、籃球及做Gym，非常大隻。不過佢外貌就冇遺傳到爸爸媽媽，一啲都唔似混血兒，反而有啲似葛民輝。唔少網民都熱烈討論呢位星二代：「樣貌完全沒有遺傳到爸爸。」、「外國市場比較容易接受他。」、「是外國人覺得好看的華人樣子。」
