七年之癢到底點過

七年前識咗依家老公，當時因為同上一任男朋友分手分得好差，想好快放低前度，所以都無咩點考慮過就同咗我依家老公一齊。
咁一直以來我老公都對我唔差，亦都好快咁進入咗我生活圈子，同我朋友都認識晒。幾年後就好順利成章結婚。
依家結咗婚都有好幾年，但發現個感覺已經好似變做同屋主/好朋友。而我自己內心亦都有諗過到底呢一種關係係咪可以一世，亦係唔係我想要嘅野，到底自己係咪唔適合婚姻。
同時間，自己亦都有諗返起當初係咪唔應該同我老公一齊。個心亦有諗返起當年有嘅其他選擇。更加有個諗法係情願老公出軌，我就可以明正言順同其他人發展。

依家個種狀況真係唔知到底應唔應該繼續行落去

利申：我無任何出軌行為/亦無任何潛在對象

ok ,得閒搵啲野做下，咪亂hi咁諗

情人關係隨住時間變得似朋友係好正常姐

一齊得耐
責任大過感情
分開其實點講得出口
過去對方一直為自己付出咗咁多
自己又想負責任又唔想傷害對方
但係又諗唔到點過到人世

就算你有潛在情人/其他人選
再同依家呢個分開後同其他人一齊
7年後你咪又會問同樣問題
講到尾咪又係貪新鮮

你老公真慘

對方雖然對你唔差 但佢既好係咪你理想既你心底裹想要既好
好多人都會有呢個問題 只在於你甘唔甘心咁樣過你之後既人生
可唔可以接受一個你唔愛既人一齊落去 而仲會唔會真正開心
因為你有呢個諗法長時間之後會問題會愈大
自己衡量仲會唔會搵到咁安穩咁冇咁多野煩既人
人係自私係正常 你係可以純粹留住一個愛你既人 享受對方圍住你轉
亦都可以追求自己既開心 搵番自己做自己
只要自己清楚後果 輸到d咩 輸得起就可以

一開頭又唔係鐘意人點解唔明確拒絕呢…..宜家搞到浪費兩個人時間

生仔

記者想自己出post 做新聞？