耶利米書，屬於大先知書，大(major)即係篇幅長，同個先知既地位或者重要性冇關係。
先知書，可能係我地最唔熟悉既聖經，除左好多人講、指向耶穌既經文之外，又冇咩直接教導，又冇咩故事，又有好多詩句，又關乎幾個國家既歷史，如果唔落D工夫睇，好容易見到一堆名唔知咩事就轆/揭過晒。
（１）耶利米既時代
呢卷書既開頭講左本書既寫作背景。
耶利米書1:1-3
//1 以下是希基雅的兒子耶利米的話；他是便雅憫地亞拿突城的一位祭司。
2 阿芒的兒子猶大王約西亞在位第十三年，耶和華的話臨到耶利米。
3 約西亞的兒子猶大王約雅敬在位期間，直到約西亞的兒子猶大王西底家執政末了，就是他在位第十一年五月，耶路撒冷被擄的時候，耶和華的話也常臨到耶利米。//
呢個係耶利米既世界：由約西亞王13年（627 BC）去到被擄（587 BC）。
大衛、所羅門（~1000 BC）既以色列聯合王國之後，分裂做南國猶大同北國以色列。
北國以色列一早就被亞述帝國滅左（722 BC）。
約西亞王係南國猶大最後一個耶和華睇落行事正直既王，係被擄前由尾數第5既王。
約西亞（尾5，640-609 BC，正直）
約哈斯（尾4，609 BC，邪惡）
約雅敬（尾3，609-598 BC，邪惡）
約雅斤（尾2，597 BC，邪惡）
西底家（最尾，597-587 BC，邪惡）
以色列既重要鄰國有西邊既埃及Egypt、東北邊既亞述Assyria、東邊既巴比倫Babylon。
約西亞年間，亞述由盛轉衰（680-612 BC），巴比倫興起（626-562 BC）。睇返 歷代志下34:1-35:27 就知：
約西亞登基（640 BC）果時8歲。
約西亞8年（632 BC），尋找大衛果個神。
約西亞12年（628 BC），第一次宗教改革，潔淨猶大同耶路撒冷，去除丘壇（高地，拜異教神明用）同埋亞舍拉等偶像。（下圖係亞舍拉女神，以色列人曾經當佢做耶和華老婆咁拜）
約西亞13年（627 BC），耶利米開始做先知。
約西亞18年（622 BC），第二次宗教改革，潔淨聖殿，重修聖殿，係聖殿發現律法書，於是重新同耶和華立約，重新帶領人民敬拜耶和華，重新向耶和華守逾越節。
（２）耶利米既呼召
耶利米書1:4-8
//4 耶和華的話臨到我，說：
5 “我還未使你在母腹中成形，就認識你；你未出娘胎，我已使你分別為聖，指定你為列國的先知。”
6 我就說：“哎呀，主耶和華啊，我還年輕，實在不知道該怎樣說話。”
7 耶和華對我說：“你不可以說‘我還年輕’，因我差遣你到那裡去，你都要去；無論我吩咐你說甚麼，你都要說。
8 你不要怕他們，因為我與你同在，要拯救你！”耶和華這樣宣告。//
呢個係耶利米既呼召。
耶和華揀左佢做先知。做邊度既先知呢？南國猶大？唔係喎，係列國(goyim)，即係包括以色列以外既外族，甚至同我地有關係。
未開始做先知既生活，耶和華就同佢講，唔洗驚佢地，即係講神既說話，遇左比人威嚇。
耶和華仲話會同在、拯救。幾時先要神救呢，就係有危險果時。
突然間好想講埋呢句：願神賜下耶利米既心志，比今日既牧者、傳道人、聖經老師、主日學老師。
（３）耶利米傳既話
耶利米書1:9-10
//9 於是耶和華伸手觸摸我的口，對我說：“要知道，我已把我的話放在你口中！
10 今天我立你在列邦列國之上，為要拔出、拆毀、毀滅、傾覆，又要建立、栽植。”//
耶利米傳既話既作用，係要拆毀重建。
對於當代既猶大人，要拆毀重建既係信仰。
耶利米書31章講到既係情況，已經係被擄。講緊既係歸回既盼望，同埋回轉既訊息。
耶利米書31:27-30
//27 “日子快到了，我將使以色列家和猶大家的人口和牲口都增加。”耶和華這樣宣告。
28 “正如我曾經留意將他們拔出、拆毀、傾覆、毀壞、損害，將來我也照樣留意建造和栽種他們。”耶和華這樣宣告。
29 “當那些日子，人不會再說：‘父親吃了酸葡萄，兒子的牙就酸倒。’
30 但各人是因自己的罪死亡；凡吃酸葡萄的人，只有自己的牙才會酸倒。//
31:28重複緊1:10-12 既內容，而31:29呢句俗語，以西結書18:2都有引用，講既係因為祖先犯罪，搞到佢地而家被擄去巴比倫。當然，神透過先知講返，被擄係因為自己既罪。
（４）耶和華既新約
耶利米書31:31-34
//31 “日子快要到了！我要與以色列家和猶大家訂立新約。”耶和華這樣宣告。
32 “這新約不像從前我拉著他們祖先的手，領他們出埃及地的日子與他們所立的約；我雖然是他們的丈夫，他們卻違背了我的約。”耶和華這樣宣告。
33 “在那些日子以後，我要與以色列家立這樣的約：我要把我的律法放在他們的意念裡，寫在他們心上；我會做他們的神，他們會做我的子民。”耶和華這樣宣告。
34 “他們各人不用再教導自己的同胞和自己的弟兄，說：‘你要認識耶和華。’因為所有的人，從最小的到最大的，都將認識我；因為我要寬恕他們的罪行，不再記住他們的罪惡。”耶和華這樣宣告。//
31:31 耶和華既新約係同邊個立？係咪基督徒？唔係喎。係同以色列家、猶大家，就係南北兩國、12支派。
31:32 耶利米講左舊既約：拉住祖先既手、領佢地出埃及果時立、做左佢地巴力。
巴力？冇睇錯，原文真係咁寫，當時既語言做左老公就係做左主人，擁有左，音譯巴力。
耶利米書提及好多次巴力。
耶利米書19:5
//他們在這裡建築巴力的丘壇，為要在火中焚燒自己的兒女，作燔祭獻給巴力。這不是我命令的，也不是我吩咐的，更沒有在我心裡想過的。//
呢D丘壇，約西亞改革果時廢晒，之後幾個王果時又拜返，成為亡國被擄既原因。
耶和華話，我巴力左佢地，佢地竟然違背婚約，去拜其他巴力。
31:33 之前以色列人違背左耶和華既婚約，耶和華再同佢地立過，更新返。律法要放係佢地（以色列家、猶大家）入面，咁就唔會唔見左，好似約西亞係聖殿搵返律法書之前咁。而將律法放係心，就係幫人做到 申命記6:6 既誡命。然後佢地要有更新既關係，係神同子民既關係，同之前一樣（申命記29:13）。
31:34 講埋耶和華要寬恕罪行、唔再記住罪惡。呢一樣，應該係現代基督徒好啱聽既野。呢個係新約既內容。
呢段冇講明個新約係點樣立，但係我地好容易去比較主耶穌設立聖餐（馬太福音26:28）
（５）新約之前既盼望
大衛藐視神，搞人老婆又借刀殺人老公，當佢知道得罪耶和華果時，大衛既祈禱，係向神認罪之後能夠有求既係重新再有堅定正直既靈，重新履行同耶和華既約。
詩篇51:10
//10 神啊，求你為我創造清潔的心！使我裡面重新有堅定的靈！//
（６）新約同列邦
今日睇既福音書，特別提到唔同既人。
約翰福音12:20, 32
//20 上去過節禮拜的人中，有些是希臘人。//
//32 而我，當我從地上被舉起來的時候，就要吸引萬人歸向我。”//
「希臘人」，應該係指希臘化既猶太人或者希臘人中敬畏神既人，因為佢地都去過耶和華既節期。事實上，所羅門既聖殿建好，都有為外族人認識敬畏神而祈禱（列王紀上8:41-43）。而「萬人」，原指所有人，去到呢個位越黎越少指明同猶太人既關係。
我地呢D作為原本同以色列既神冇關係既外族人，當睇到耶利米書講到立新約既經文，應該諗下我地其實處於呢個係被擄既慘況，擄去我地既係使我地同神分開既罪。係呢個情況，冇一個人值得驕傲。讓我地好似大衛既禱告咁，去求一個同神關係更新既約，等侯神既恩典。
阿們。
（十）信經
我信上帝，全能的父，創造天地的主。
我信我主耶穌基督，上帝獨生的子。因聖靈感孕，由童貞女馬利亞所生；在本丟彼拉多手下受難，被釘於十字架上，受死，埋葬；降在陰間；第三天從死人中復活；升天，坐在全能父上帝的右邊；將來必從那裡降臨，審判活人死人。
我信聖靈。我信聖而公之教會。我信聖徒相通。我信罪得赦免。我信身體復活。我信永生。阿們。
